~
សល់ទ្រព្យ៣០០លានដុល្លារ ទិនហ្វី គ្មានឡាន ជិះកង់ចាស់ ១៨ឆ្នាំមិនប្ដូរទោះបីជាគ្មានកូនចៅដើម្បីស្នងមរតកក៏ពិតមែន តែកំពូលតារាសម្ដែងប្រុសហុងកុង Stephen Chow នៅតែរស់នៅសន្សំសំចៃខ្លាំងស្ទើរតែមិនគួរឲ្យជឿ។
~
~
កាលពីថ្ងៃទី ២៧ ខែមិថុនាកន្លងទៅនេះ បណ្ដាញព័ត៌មាន HK01 បានរាយការណ៍ថា នៅក្នុងគម្រប់ខួបកំណើតលើកទី៦០ របស់តារាសម្ដែងប្រុសជើងចាស់ហុងកុង Stephen Chow គេបានប្រទះឃើញលោកនៅផ្លូវមួយកន្លែងក្នុងទីក្រុងហុងកុង។
~
~
ដូចសព្វមួយដង តួរឿង អ្នកលេងពូថៅហោះ នៅតែជិះកង់ចាស់របស់ខ្លួន ដែលបានទិញកាលពី១៨ឆ្នាំមុន ជាមួយសម្លៀកបំពាក់សាមញ្ញដើម្បីទៅផ្សារទិញម្ហូប។ ក្នុងឱកាសថ្ងៃកំណើតរបស់ខ្លួន តារាកើតឆ្នាំ ១៩៦២ ត្រូវបានអ្នកគាំទ្រជូនពរជាច្រើន និងសង្ឃឹមថាលោកនឹងឆាប់ត្រលប់មកសិល្បៈវិញ។
~
~
ប្រភពដដែលបានឲ្យដឹងថា ទោះបីជាមានទ្រព្យសរុបជាង ៣០០លានដុល្លារ និងអចលនទ្រព្យច្រើនកន្លែងរាប់មិនអស់ក៏ពិតមែន តែសិល្បករនេះនៅតែរក្សាផ្នត់គំនិតសន្សំសំចៃ ដ្បិតកាលពីវ័យក្មេង គ្រួសាររបស់លោកធ្លាប់ក្រខ្សត់ ទើបលោកទម្លាប់សន្សំបែបនេះទៅហើយ៕
~
~
~
~
