សម្តេចតេជោ ហ៊ុន សែន នឹងជួបសំណេះសំណាលជាមួយសិស្សនិទ្ទេស A ឆ្នាំ២០១៩ នៅព្រឹកនេះ

0
827

(ភ្នំពេញ)៖ ដូចទៅនឹងទម្លាប់រៀងរាល់ឆ្នាំ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នឹងជួបសំណេះសំណាលជាមួយសិស្សនិទ្ទេស A ឆ្នាំ២០១៩ ទូទាំងប្រទេស ទាំង៤៤៣នាក់ នៅថ្ងៃទី០៧ ខែតុលា ឆ្នាំ២០១៩ នាព្រឹកនេះ ។ ជំនួបនេះធ្វើឡើងនៅទីស្តីការគណៈរដ្ឋមន្រ្តី ដែលនឹងមានការចូលរួមពីអាណាព្យាបាលសិស្ស និងលោកគ្រូតំណាងសាលារបស់សិស្សឆ្នើមទាំងនោះផងដែរ។

ក្នុងឱកាសជំនួបសំណេះសំណាលជាមួយនឹងសិស្សនិទ្ទេស A ទាំង៤៤៣នាក់ សម្តេចតេជោ ហ៊ុន សែន ក៏នឹងប្រគល់ iPad ជូនដល់និស្សិតនិទ្ទេស A ទាំង៤៤៣នាក់ ដោយក្នុងម្នាក់ៗទទួលបាន ១គ្រឿងផងដែរ ហើយអំណោយនេះជាការឧបត្ថម្ភរបស់ក្រុមហ៊ុនជីបម៉ុង ដែលតែងបានឧបត្ថម្ភរៀងរាល់ឆ្នាំ ជូនដល់សិស្សនិទ្ទេស A។

សូមបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង១៩ សីហា ឆ្នាំ២០១៩នេះ មានបេក្ខជនចំនួន ៧៩,០៥២នាក់ ស្មើនឹង៦៨.៦២ភាគរយបានប្រឡងជាប់ ក្នុងនោះសិស្សជាប់និទ្ទេស A មានចំនួន ៤៤៣នាក់, និទ្ទេស B ចំនួន២៤៣០នាក់, និទ្ទេស C ចំនួន ៥៨៤៧នាក់, និទ្ទេស D ចំនួន ១៤១០០នាក់ និងនិទ្ទេស E ចំនួន៥៦២៣២នាក់៕

ឆ្នាំនេះគឺជាឆ្នាំទី៦ ហើយ ដែលសម្តេចតេជោនាយករដ្ឋមន្ត្រី បានផ្តល់កិត្តិយសជូនសិស្សជាប់និទ្ទេស A បានចូលជួបសំណេះសំណាលដោយផ្ទាល់។ ការផ្តល់ឱកាសឱ្យសិស្សនិទ្ទេស A ចួលជួបសំណេះសំណាលដោយផ្ទាល់នេះ ត្រូវបានគេមើលឃើញថា ជាការផ្តល់តម្លៃ និងលើកទឹកចិត្តដ៏ឧត្តុង្គឧត្តមមួយ ពីសំណាក់ប្រមុខរាជរដ្ឋាភិបាលសម្រាប់អ្នកសិក្សា៕

LEAVE A REPLY

Please enter your comment!
Please enter your name here