~
~
កាលពីពេលថ្មីៗនេះ មានការភ្ញាក់ផ្អើលមិនស្ទើរនោះទេ បន្ទាប់ពីឃើញប្រទេសវៀតណាម បានចេញមុខមកប្រកាសស្នើឱ្យក្រុមហ៊ុនផលិតភាពយន្ត Netflix លុបចោល និងបញ្ឈប់ការចាក់ផ្សាយរឿងភាគកូរ៉េខាងត្បូង «រឿង Little Women» ជាបន្ទាន់ ដោយសារតែមូលហេតុ នៅក្នុងសាច់រឿងមួយនេះ បានចោទប្រកាន់ថា «រឿងភាគនេះបានបំភ្លៃព្រឹត្តិការណ៍ប្រវត្តិសាស្ត្រនៃសង្គ្រា.មវៀតណាមរបស់ខ្លួន» ដំណឹងមួយនេះផងដែរ បានធ្វើអោយអ្នកលេងនៅក្នុងបណ្ដាញទំនាក់ទំនងសង្គមហ្វេសប៊ុកជាច្រើន ផ្ទុះការភ្ញាក់ផ្អើល និងស្ទើរមិនគួរអោយជឿគ្រប់ៗគ្នាតែម្ដង។
~
~
ដោយឡែក បើក្រឡេកមកដឹងឃើញថា នៅក្នុងភាគទី៣ និងភាគទី៨ នៃសាច់រឿងមួយនេះ បានផ្អែកលើប្រលោមលោកមួយតែងដោយ «Louisa May Alcott» ដែលជាអ្នកនិពន្ធអាមេរិកក្នុងសម័យសង្គ្រា.មអាមេរិក-វៀតណាម ដោយរឿងនេះ មានទាហានជើងចាស់ ដែលមកពីកូរ៉េខាងត្បូង ត្រូវបានគេមើលឃើញថា កំពុងតែអួតអំពី «ចំនួនទាហានដែលខ្លួនបានសម្លា.ប់» រវាងកងទ័ព មកពីប្រទេសរបស់គាត់ និងវៀតកុង ជនជាតិកូរ៉េខាងត្បូងជាង ៣២០០០០ នាក់ ត្រូវបានបញ្ជូនទៅប្រទេសវៀតណាម នៅចន្លោះឆ្នាំ១៩៦៤ និងឆ្នាំ១៩៧៣ ដើម្បីប្រយុទ្ធជាមួយទាហានអាមេរិក។
~
មិនតែប៉ុណ្ណោះ អតីតយុទ្ធជនក្នុងរឿងភាគនេះ គឺជាជនជាតិកូរ៉េ ហើយបានប្រាប់តួអង្គសំខាន់មួយនៅក្នុងរឿងថា «នៅក្នុងសមរភូមិដ៏ល្អបំផុតរបស់ពួកយើង យើងបានសម្លា.ប់ទាហានវៀតណាមចំនួន ២០ នាក់ ឬលើសនេះ ដោយចំណាយទាហានកូរ៉េតែម្នាក់ប៉ុណ្ណោះ ដែលវាច្រើនជាងចំនួនទាហានណាៗទាំងអស់របស់បរទេស»។
~
បន្ទាប់មក គាត់បាននិយាយបន្តទៀតថា គេមិនអាចដឹងទេថា តើទាហានវៀតណាមខាងជើងប៉ុន្មាននាក់ពិតប្រាកដ? ដែលត្រូវបានទាហានកូរ៉េខាងត្បូងសម្លា.ប់ក្នុងអំឡុងពេលសង្គ្រា.មនោះទេ។
~
យ៉ាងណាមិញ នៅក្នុងលិខិតដែលផ្ញើទៅ Netflix អាជ្ញាធរផ្សព្វផ្សាយ និងព័ត៌មានអេឡិចត្រូនិករបស់វៀតណាម បាននិយាយថា រឿងនេះបានបំពានច្បាប់របស់ប្រទេសដោយប្រឆាំងនឹង «ការបំភ្លៃប្រវត្តិសាស្ត្រ បដិសេធសមិទ្ធផលបដិវត្តន៍ ធ្វើឱ្យប៉ះពាល់ដល់ប្រទេសជាតិ និងវីរបុរសរបស់ប្រទេសយ៉ាងខ្លាំង» នេះបើយោងតាមសារព័ត៌មាន Vietnamnet បានប្រាប់អោយដឹង។ ហើយលិខិតនោះ បានបន្ថែមទៀតថា «រឿងភាគនេះ គឺបានបង្ហាញពីការសន្ទនារវាងតួអង្គ ដែលសរសើរឧក្រិដ្ឋកម្មរបស់ទាហានស៊ីឈ្នួលកូរ៉េ ក្នុងអំឡុងសង្គ្រា.មផងដែរ»។
~
ទន្ទឹមនឹងនោះផងដែរ នៅក្នុងលិខិតដដែលនោះ វៀតណាមបានដាក់កំហិតយ៉ាងច្បាស់ៗបែបនេះថា «ឱ្យក្រុមហ៊ុន Netflix លុបចោលរឿងភាគកូរ៉េខាងត្បូងមួយនេះចេញអោយឆាប់បំផុត ខណៈដែលរឿង «Little Women» នៅតែបន្តចាក់ផ្សាយមិនឈប់។
~
គួរបញ្ជាក់ផងដែរថា ចាប់តាំងពីឆ្នាំ២០២០ មកក្រុមហ៊ុន Netflix បានលុបរឿងភាគចំនួន៣ ចេញពីគេហទំព័ររបស់ខ្លួនក្នុងប្រទេសវៀតណាម បន្ទាប់ពីទទួលបានពាក្យបណ្តឹងពីអាជ្ញាធរមូលដ្ឋានជុំវិញការចោទប្រកាន់ថា «រំលោ.ភលើអធិបតេយ្យភាពរបស់ប្រទេស»។រឿង «Little Womenx» និយាយអំពីបងប្អូនស្រីបីនាក់ដែលមានចំណងស្និទ្ធស្នាលគ្នាយ៉ាងល្អ ដែលបានកើតនិងធំធាត់ឡើងក្នុងគ្រួសារដ៏ក្រីក្របំផុតមួយ។ សាច់រឿងពេញទៅដោយអាថ៌កំបាំង ពាក់ព័ន្ធនឹងការលួចបន្លំលុយច្រើនសន្ធឹក ក៏ដូចជាការស្លាប់យ៉ាងអាថ៌កំបាំងរបស់អ្នកដែលពាក់ព័ន្ធ ដោយរាល់ការស្លាប់របស់មនុស្សម្នា្កក់ៗ គឺមានផ្កាកេសគោលពណ៌ស្វាយបន្សល់ទុកនៅកន្លែងកើតហេតុ។ វាជារឿងដ៏គួរឱ្យរំភើបរបស់បងប្អូនស្រីទាំង៣ នៅពេលដែលពួកគេជួបឧប្បត្តិហេតុធំមួយ ហើយពួកគេប្រឈមមុខនឹងគ្រួសារអ្នកមាននិងមានឥទ្ធិពលបំផុតក្នុងប្រទេស។
~
តារាសម្តែងស្រីជួរមុខរបស់កូរ៉េ នាង Kim Go Eun ដើរតួជាបងស្រីច្បង ក្នុងតួអង្គ ឈ្មោះ Oh In Joo ដែលចង់ការពារគ្រួសាររបស់នាងនិងចង់បានលុយច្រើនៗដើម្បីឱ្យជីវិតប្អូនស្រីរបស់នាងរស់ស្រួល។ ធំឡើងក្នុងភាពក្រីក្របំផុត សុបិន្តតែមួយគត់របស់នាងគឺចង់រស់នៅដូចមនុស្សធម្មតាផ្សេងទៀត ប៉ុន្តែឧប្បត្តិហេតុដ៏ធំមួយបានអង្រួនជីវិតរបស់នាងទាំងស្រុង។
~
ចំណែកតារាស្រីមួយរូបទៀត គឺនាង Nam Ji Hyun ដើរតួជាប្អូនស្រីទីពីរឈ្មោះ Oh In Kyung ដែលជាអ្នកយកព័ត៌មានស្ថានីយ៍ទូរទស្សន៍ ដែលមិនចង់ឱនក្បាលចំពោះលុយ ហើយមានបំណងធ្វើអ្វីដែលត្រឹមត្រូវជានិច្ច។ នៅពេលដែលករណីអាថ៌កំបាំងពីអ្នកសារព័ត៌មានដំបូងរបស់នាង ត្រលប់មកជិតនាង នាងចាប់ផ្តើមស្វែងរកការពិត។
~
នាងតូច Park Ji Hu តារាស្រីទើបនឹងរៈ បានដើរតួជាប្អូនស្រីពៅ មានឈ្មោះថា Oh In Hye ជាក្មេងពៅដែលពោរពេញដោយក្ដីស្រឡាញ់របស់បងស្រីដែលខំប្រឹងប្រែងដើម្បីនាង។ ក្នុងសាច់រឿងនេះ ថ្វីត្បិតតែនាងមិនធ្លាប់ប្រើប្រាស់សម្ភារៈសិល្បៈសមរម្យដោយសារតែស្ថានភាពហិរញ្ញវត្ថុរបស់គ្រួសារពួកគេក៏ដោយ ក៏នាងបានចូលរៀននៅវិទ្យាល័យសិល្បៈជាមួយនឹងទេពកោសល្យពីធម្មជាតិរបស់នាង។ រឿងភាគកូរ៉េនេះផងដែរ គឺផលិតឡើងដោយផ្អែកលើប្រលោមលោកភាសាអង់គ្លេសដែលមានឈ្មោះដូចគ្នាដោយ Louisa May Alcott៕
~
~
