Tuesday, October 4, 2022
Google search engine
Homeព័ត៌មានសិល្បៈស្លុតចិត្ត​! អតីត​តារា​សម្ដែង​ស្រី​ជើង​ចាស់​កំពុង​ជួប​​ទុក្ខ​ធំ កូនស្រី​កើត​មហារីក​ខួរក្បាល​ប្រភេទ​ថ្មី

ស្លុតចិត្ត​! អតីត​តារា​សម្ដែង​ស្រី​ជើង​ចាស់​កំពុង​ជួប​​ទុក្ខ​ធំ កូនស្រី​កើត​មហារីក​ខួរក្បាល​ប្រភេទ​ថ្មី

~

~

ជា​រឿង​មួយ​ដ៏​គួរ​ឲ្យ​ភ្ញាក់ផ្អើល និង​តក់ស្លុត​ខ្លាំង​មែនទែន ក្រោយ​ឃើញ​តារា​សម្ដែង​ស្រី​ជើង​ចាស់​អំឡុង​ឆ្នាំ​១៩៩៨ អ្នកស្រី ច័ន្ទ ជាលី​ដា ប្រកាស​អំពី​ទុក្ខ​ជា​ទម្ងន់​ដែល​ពិបាក​ទទួលយក​បាន ដោយ​កូនស្រី​តូច​បណ្ដូលចិត្ត​របស់​គាត់​កំពុង​តែ​កើត​ជំងឺមហារីក​ខួរក្បាល​ប្រភេទ​ថ្មី ដែល​ក្រុម​គ្រូពេទ្យ​អះអាង​បញ្ជាក់​ថា មិន​ធ្លាប់​ជួប​ពី​មុន​មក ខណៈ​ឥឡូវនេះ​កូនស្រី​គាត់​កំពុង​សម្រាក​ព្យាបាល​នៅ​មន្ទីរពេទ្យ​។

~

~

ប្រាកដ​ណាស់ កាល​ព្រឹក​ថ្ងៃ​ទី​១៤ ខែកញ្ញា ឆ្នាំ​២០២២ ម្សិលមិញ​នេះ តារា​សម្ដែង​ស្រី​ជើង​ចាស់ ដែល​កំពុង​រស់នៅ​លើ​ទឹកដី​ប្រទេស​អូស្ត្រាលី អ្នកស្រី ច័ន្ទ ជាលី​ដា បាន​ប្រកាស​នៅ​លើ​បណ្ដាញ​សង្គម​ដោយ​បង្ហាញ​អារម្មណ៍​ពិបាកចិត្ត​ថា «​កូន​ម្ដាយ តើ​ឱ្យ​ម្ដាយ​ជួយ​កូន​របៀប​ណា​ទៅ? អ្វី​ដែល​ម្ដាយ​មិន​ចង់​ជួប វា​បាន​ធ្លាក់​មក​លើ​កូនស្រី​ម្ដាយ​ខ្ញុំ​ហើយ ព្រះ​អើយ​ជួយ​កូន​ខ្ញុំ​ផង កូន​ខ្ញុំ​នាង​នៅ​ក្មេង​ណាស់​»​។

~

~

លោកស្រី​បញ្ជាក់​ប្រាប់​មហាជន​លើ​បណ្ដាញ​សង្គម​ថា «​បងប្អូន​អើយ ឥឡូវនេះ​ពេទ្យ​ឱ្យ​ចម្លើយ​ថា កូន​ខ្ញុំ​កើត​មហារីក​ខួរក្បាល​ប្រភេទ​ថ្មី ដែល​ពួក​គេ​មិន​ដែល​ជួប​ពី​មុន​មក​»​។

~

~

យ៉ាងណាមិញ បើ​តាម​រយៈ​រូបភាព​ដែល​បង្ហោះ​លើ​បណ្ដាញ​សង្គម​បាន​បង្ហាញ​ឲ្យ​ឃើញ​ពី​ទិ​ដ្ឋ ភាព​អ្នកស្រី ច័ន្ទ ជាលី​ដា មុខ​ឡើង​ក្រហម ចង់​ស្រក់​ទឹកភ្នែក​អោប​កូនស្រី​បណ្ដូលចិត្ត​នៅ​លើ​គ្រែ​ក្នុង​មន្ទីរពេទ្យ រីឯ​កូនស្រី​បិទ​បង់​រុំ​ក្បាល​ជាមួយ​ភ្នែក​ឡើង​ខៀវ​ខ្មៅ​ផង​ដែរ​។ ក្រោយ​ឃើញ​ការ​ប្រកាស​អំពី​ជំងឺ​កូនស្រី​បែប​នេះ អ្នកលេង​បណ្ដាញ​សង្គម​ជា​ច្រើន​បាន​នាំ​គ្នា​ចូល​ទៅ​ខ​មិន​ជូនពរ​អោយ​កូនស្រី​អ្នក​នាង​ឆាប់​ជា​ផង​ដែរ​។

~

~

នេះ​បើ​តាម​ការ​ខ​មិន​របស់​មហាជន​បាន​ជូនពរ​កូនស្រី​របស់​អតីត​តារា​សម្ដែង​ជើង​ចាស់​រូប​នេះ​ថា «​សូម​ព្រះ​ប្រទាន​ពរ​ក្មួយ​សំណាងល្អ ឆាប់​ជា​ពី​ជំងឺ​ដ៏​ចង្រៃ​មួយ​នេះ​ផង​»​។ បងប្អូន​ខ្លះ​ទៀត​ជូនពរ​ថា «​ជូនពរ​កូនស្រី​បង​ឆាប់​ជា សូម​ឲ្យ​សុភមង្គល​កើត​មាន​ឡើង​វិញ ចំពោះ​គ្រួសារ​បង សូម​ឲ្យ​ជំងឺ​មួយ​នេះ​រលាយ​សាបសូន្យ​ពី​រាង​កាយ​កូនស្រី​បង ឲ្យ​ក្មួយ​ស្រី​បានជា​សះស្បើយ​ឡើង​វិញ​ក្នុង​ពេល​ឆាប់​ៗ»​។

គួរ​រំលឹក​ផង​ដែរ​ថា មុន​លោកគ្រូ​ពេទ្យ​ផ្ដល់​ចម្លើយ​ថា​កើត​ជំងឺមហារីក​ខួរក្បាល​នេះ អ្នកស្រី ច័ន្ទ ជាលី​ដា ក៏​បាន​បង្ហោះ​សំ​ណេ​រ​មួយ​ឃ្លា​អំពី​កាលដែល​កូនស្រី​ត្រូវ​បាន​វះកាត់​ជោគជ័យ​ថា «​អរគុណ​យ៉ាង​ជ្រាលជ្រៅ​ដល់​ពូ​មីង​បងប្អូន​ទាំងអស់ ដែល​បាន​ចូលរួម​ព្រួយបារម្ភ និង​ជូ​យ​បន់ស្រន់​អោយ​កូនស្រី​របស់ខ្ញុំ​បាន​ធូរស្បើយ ឥឡូវ​នាង​បាន​ធូរស្បើយ​បន្តិច​ហើយ បន្ទាប់​ពីក្រោយ​ការ​វះកាត់​ខួរក្បាល​យក​ដុំ​ឈា​.​ម​ចេញ​បាន​មួយ​ថ្ងៃ​ដោយ​ជោគជ័យ សូម​អរគុណ​»​។

~

~

គួរ​បញ្ជាក់​ថា អ្នកស្រី ច័ន្ទ ជាលី​ដា គឺជា​អតីត​តារា​សម្ដែង​ស្រី​ដ៏​ល្បីល្បាញ​ម្នាក់ ក្នុង​ឆ្នាំ​១៩៩៨ ជា​តួអង្គ​ឯក​ក្នុង​រឿង​ខ្មែរ​ដែល​មាន​ចំណងជើង​ថា «​រាត្រី​មួយ​ក្រោយ​សង្គ្រាម​» ដឹកនាំ​សម្ដែង​ដោយ​លោក ប៉ាន់ រិ​ទ្ធី​។ ក្នុងអំឡុងពេល​នោះ​ដែរ អ្នកស្រី​ទទួល​បានការ​គោរព​ស្រលាញ់​យ៉ាង​ខ្លាំង​ពី​សំណាក់​ទស្សនិក​ជន​អ្នកគាំទ្រ ហើយ​បច្ចុប្បន្ន​អ្នកស្រី​កំពុង​រស់នៅ​លើ​ទឹកដី​ប្រទេស​អូស្ត្រាលី ជាមួយនឹង​ក្រុម​គ្រួសារ​ផង​ដែរ​៕

~

~

~

~

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine
Google search engine
Google search engine
Google search engine

Most Popular

Recent Comments