Wednesday, December 7, 2022
Google search engine
Homeព័ត៌មានសិល្បៈប្រឡូក​សិល្បៈ​មិន​បាន​ប៉ុន្មាន​ផង ស្រី​ស្អាត កែវ ឡា​វី​ញ ធ្លាយ​ដំណឹង​ចូល​រោងការ​ឆាប់​ៗ​នេះ

ប្រឡូក​សិល្បៈ​មិន​បាន​ប៉ុន្មាន​ផង ស្រី​ស្អាត កែវ ឡា​វី​ញ ធ្លាយ​ដំណឹង​ចូល​រោងការ​ឆាប់​ៗ​នេះ

~

​ភ្នំពេញ ៖ តារា​សម្តែង​វ័យក្មេង​នាង កែវ ឡា​វី​ញ នឹង​ចូល​រោងការ​ឆាប់​ៗ​ខាង​មុខ​នេះ​ហើយ បន្ទាប់​ពី​នាង​ចូល​ប្រឡូក​សិល្បៈ​មិន​ប៉ុន្មាន​ឆ្នាំ​ផង​នោះ​។ ដំណឹង​ពី​ការ​ចូល​រោងការ​របស់​កូនស្រី​អតីត​តារា​សម្តែង​អ្នក​នាង កែវ កល្យាណ នា​ពេល​នេះ ត្រូវ​បាន​ទម្លាយ​ចិត្ត​ដោយ​លោក យ៉ែ​ម សំ​អូន ក្នុង​ពេល​មង្គលការ​របស់ កែវ ឡា​វី​ញ បាន​ជួល​វង់​តន្ត្រី​របស់​លោក​។

~

យ៉ាងណា តាម​រយៈ​សំ​ណេ​រដែ​ល​បាន​សរសេរ​បង្ហោះ​តាម​បណ្តាញ​សង្គម​ហ្វេ​ស​ប៊ុ​ក​នោះ​លោក យ៉ែ​ម សំ​អូន មិន​បាន​បញ្ជាក់​ពី​ពេលវេលា​ជាក់​លាស់ ចំពោះ​ពិធី​មង្គលការ​របស់​តារា​ស្រី​រូប​នេះ​ឡើយ ពោល​គឺ​លោក​គ្រាន់តែ​លើក​ឡើង​ថា ជួប​គ្នា​ឆាប់​ៗ​ប៉ុណ្ណោះ​។

~

ដោយឡែក​ពាក់ព័ន្ធ​បញ្ហា​ខាងលើ​នេះ កោះសន្តិភាព​នៅ​មិន​ទាន់​អាច​ស្វែងរក​ការ​បកស្រាយ​ណាមួយ​ពី កែវ ឡា​វី​ញ ក៏​ដូច​ជា​អ្នក​នាង កែវ កល្យាណ បាន​នៅឡើយ​ទេ គិត​ត្រឹម​ថ្ងៃ​ទី​១៨ ខែកក្កដា ឆ្នាំ​២០២២​នេះ​។

ជា​ការ​កត់សម្គាល់ តាម​រយៈ​រូបភាព​ដែល​បា​ម​បង្ហាញ​តាម​បណ្តាញ​សង្គម​ហ្វេ​ស​ប៊ុ​ក​នោះ​អនាគត​ស្វាមី​របស់ កែវ ឡា​វី​ញ គឺជា​បុរស​វ័យក្មេង​នៅ​ក្នុងស្រុក ហើយ​លោក​ក៏​ត្រូវ​បាន​គេ​ដឹង​ថា ជា​អ្នកធ្វើការ​នៅ​ក្នុង​ក្រុមហ៊ុន​ឯកជន​មួយ​។ ទោះជា​យ៉ាងណា គេ​នៅ​មិន​ទាន់​ដឹង​ទេ​ថា ពន្លក​ស្នេហ៍​របស់​អ្នក​ទាំង​ពីរ​បាន​ចាប់ផ្តើម​ពី​ពេល​ណា​នោះ​ឡើយ មុន​ពេល​សម្រេច​ចូល​រោងការ​នា​ពេល​ឆាប់​ៗ​ខាង​មុខ​នេះ​។

~

~

កែវ ឡា​វី​ញ បាន​ចូល​ប្រឡូក​សិល្បៈ​តាម​គន្លង​ម្តាយ គឺ​អតីត​តារា​សម្តែង​ដ៏​ល្បី​កាលពី​អំឡុង​ទស​វត្ស​ន៍​ឆ្នាំ​៩០ គឺ​អ្នក​នាង កែវ កល្យាណ​។ បើ​ទោះបីជា​ការ​ចាប់ផ្តើម​ប្រឡូក​សិល្បៈ​ថ្មីថ្មោង កែវ ឡា​វី​ញ ក៏​ទទួល​បានការ​គាំទ្រ​ច្រើន​ពី​សំណាក់​ទស្សនិកជន​ផង​ដែរ ដោយសារ​ទេព​កោសល្យ​សម្តែង​របស់​នាង​។

កែវ ឡា​វី​ញ ក៏​បាន​បង្ហាញ​វត្តមាន​សម្តែង​ភាពយន្ត​មួយ​ចំនួន​ផង​ដែរ​នា​ពេល​កន្លង​មក ហើយ​ភាពយន្ត​ដែល​ទទួល​ការ​គាំទ្រ​ច្រើន​នោះ គឺ​រឿង​ដែល​នាង​សម្តែង​ជា​តួអង្គ​ដែល​មាន​ស្នេហា​ភេទ​ដូច​គ្នា​។
ប៉ុន្តែ​កន្លង​មក កែវ ឡា​វី​ញ តែងតែ​បង្ហោះ​រូបភាព​ស្និត​ស្នាល​ជាមួយ​បុរស​រូប​នោះ​ជា​បន្តបន្ទាប់​ផង​ដែរ ប៉ុ​ន្ត​នាង​មិន​បាន​បញ្ជាក់​ថា បុរស​នោះ​ជា​អ្នក​ណា​ឡើយ ទើបតែ​ធ្លាយ​ដំណឹង​ខាងលើ​ទើប​គេ​ដឹង​ថា បុរស​នោះ គឺជា​គូស្នេហ៍​របស់​នាង​។ យ៉ាងណា ដំណឹង​ពី​ការ​ចូល​រោងការ​របស់ កែវ ឡា​វី​ញ នា​ពេល​នេះ បាន​ធ្វើ​អោយ​មហាជន ជា​ពិសេស​ប្រិ​យ​មិត្ត​គាំទ្រ​បាន​សម្តែង​ការ​អបអរសាទរ និង​ជូនពរ​រូប​នាង​ជួប​តែ​សុភមង្គល​។

~

~

យ៉ាងណា​កន្លង​មក អ្នក​នាង កែវ កល្យាណ ធ្លាប់​បាន​លើក​ឡើង​ថា ការ​សម្រេច​ចូល​ប្រឡូក​សិល្បៈ​របស់ កែវ ឡា​វិញ នា​ពេល​នេះ គឺ​ធ្វើ​ឡើង​ដោយ​មានការ​ជម្រុញ​ពី​រូប​អ្នក​នាង​ផង​ដែរ ខណៈ​ពេល​ដែល​កូនស្រី​របស់​នាង​ហាក់​មិន​មាន​បំណង​ចង់​ចូល​ប្រឡូក​អាជីព​នេះ​ឡើយ​។ បើ​តាម​អ្នក​នាង កែវ កល្យាណ រឿង​សិល្បៈ​អ្នក​នាង​ក៏​មិន​បង្ខំ​កូនស្រី​នោះ​ដែរ ប្រសិនបើ​នាង​ចូល​ចិត្ត​ចង់​បន្ត​នោះ នាង​ក៏​សម្រប​តាម​កូន ព្រោះ​កន្លង​មក នាង​ក៏​ចង់អោយ​កូន​រៀនសូត្រ​បាន​ខ្ពស់​និង​មានការ​ងារ​មួយ​សមរម្យ ក្រៅពី​ការងារ​សិល្បៈ​នេះ​៕

~

~

~

~

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine
Google search engine
Google search engine
Google search engine

Most Popular

Recent Comments