Thursday, September 29, 2022
Google search engine
Homeព័ត៌មានសិល្បៈសុំម្នាក់មួយម៉ាត់មក! ពេជ្រ សូលី​កា ក្តៅ​ចុង​ច្រមុះ​ឆ្លើយ​តប​ភ្លាម​ទៅ​កាន់​អ្នក​រិះគន់​រឿង​តារា​ថត​ផ្សាយ​ស្រា​បៀរ

សុំម្នាក់មួយម៉ាត់មក! ពេជ្រ សូលី​កា ក្តៅ​ចុង​ច្រមុះ​ឆ្លើយ​តប​ភ្លាម​ទៅ​កាន់​អ្នក​រិះគន់​រឿង​តារា​ថត​ផ្សាយ​ស្រា​បៀរ

~

~

​ភ្នំពេញ ៖ តារាចម្រៀង និង​សម្តែង​អ្នក​នាង ពេជ្រ សូលី​កា បាន​ធ្វើការ​ឆ្លើយ​តប​ទៅ​កាន់​មហាជន​មួយ​ចំនួន​ដែល​បាន​រិះគន់​ទៅ​លើ​រូប​នាង និង​តារា​ផ្សេង​ទៀត ដែល​ថត​ពាណិជ្ជកម្ម​ស្រា​បៀរ ក្នុង​ពេល​ដែល​ការ​រិះគន់​ទាំងអស់ គឺ​ប្រើប្រាស់​ជា​ភាសា​មិន​សមរម្យ​មក​លើ​រូប​នាង និង​តារា​មួយ​ចំនួន​ទៀត​។

~

~

ការ​រិះគន់​មក​លើ ពេជ្រ សូលី​កា នា​ពេល​នេះ​បាន​ធ្វើ​ឡើង បន្ទាប់​ពី​តារា​ស្រី​រូប​នេះ បាន​បង្ហោះ​វី​ដេ​អូ​ខ្លី​មួយ​បង្ហាញ​ពី​នារី​ម្នាក់​និយាយ​ពី​ការ​ថត​ពាណិជ្ជកម្ម​ស្រា​បៀរ​ពី​អ្នកសិល្បៈ​ដែល​បំពេញការងារ​តាម​ភាព​ជាក់ស្តែង គឺ​មិន​ខុសឆ្គង​អ្វី​ទេ ខណៈ​ពេល ពេជ្រ សូលី​កា ក៏​បាន​យល់​ស្រប​នូវ​អ្វី​ដែល​នារី​រូប​នេះ​បាន​និយាយ​ផង​ដែរ​។

~

~

តាម​រយៈ​វី​ដែ​អូ ដែល ពេជ្រ សូលី​កា បាន​ធ្វើការ​ចែកចាយ​នៅ​លើ​បណ្តាញ​សង្គម​របស់​ខ្លួន​នា​ពេល​នេះ បាន​ធ្វើ​ឲ្យ​មហាជន​ជា​ច្រើន​បាន​នាំ​គ្នា​ចូល​ទៅ​ធ្វើការ​ខំ​មិន ដោយនៅ​ក្នុង​នោះ​ក៏​មាន​មហាជន​មួយ​ចំនួន​បាន​គ្នា​រិះគន់​ជាមួយនឹង​ការ​ប្រើប្រាស់​ពាក្យ​សម្តី​មិន​ល្អជា​ច្រើន​ផង​ដែរ​។
ដោយ​ឃើញ​បែប​នេះ ពេជ្រ សូលី​កា ហាក់​ក្តៅ​ចុង​ច្រមុះ និង​បាន​ធ្វើការ​ឆ្លើយ​តប​ភ្លាម​ទៅ​កាន់ការ​រិះគន់​ទាំង​អស់នោះ​វិញ ត្បិត​នាង​យល់​ថា រាល់​ពាក្យ​សរសេរ​រិះគន់​នោះ​ហាក់​ប្រើ​ភាសា​មិន​សមរម្យ និង​មិនមែន​ជា​ពាក្យ​ណែនាំ​កែតម្រូវ​ក្នុង​ន័យ​ស្ថាបនា​នោះ​ឡើយ​។

~

~

តាម​រយៈ​សារ​ដែល​បាន​សរសេរ​បង្ហោះ​លើ​គណនេយ្យ​ហ្វេ​ស​ប៊ុ​ក ពេជ្រ សូលី​កា បាន​លើក​ឡើង​ថា សូម​មេត្តា​អាន​អោយ​ចប់ មុន​នឹង​ខ​មិន​ភាសា​ដែល​យើង​អាច​ជ្រើសរើស​យក​មក​និយាយ​ទៅ​អ្នក​ដទៃ​មាន​ល្អ​ៗ​ច្រើន​ណាស់ ។ នាង​បញ្ជាក់​ថា មុន​នឹង​ខ្ញុំ​សម្រេចចិត្ត​ផុស Video ដោយ​តែ​ខ្ញុំ​បាន​ទទួល ខ​មិន អ​សីលធម៌ មួយ​ចំនួន ដោយ​មាន​ទាំង​ពាក្យ​ជេរ​ប្រមាថ ដែល​វា​មិនមែន​ជា​ពាក្យ​ជួយ​កែតម្រូវ​ទាល់តែ​សោះ បែរជា​ខឹងសម្បា​មក​លើ​រូប​ខ្ញុំ​ទៅ​វិញ តើ​ខ្ញុំ​ខុស​ដែល​ខ្ញុំ​ត្រូវ​បំពេញភារកិច្ច​របស់ខ្ញុំ? ។ពេជ្រ សូលី​កា បន្ថែម​ថា ការងារ​អី​ក៏​ដោយ បើ​ខ្ញុំ​មិន​បាន​ទៅ​បំពាន​លួច​ឆក់​ប្លន់​ទ្រព្យសម្បត្តិ​ញើស​ឈា​.​ម​អ្នក​ដទៃ ហេតុ​អី​ខ្ញុំ​ត្រូវ​មក​ទទួល​ពាក្យ​អាក្រក់​ៗ​ទាំងនេះ ពី​មនុស្ស​ដែល​ល្អ​ៗ​ទៅ​វិញ? បើ​មនុស្ស​ល្អ រៀនសូត្រ​បាន​ល្អ ម៉េច​ក៏​មិន​ប្រើ​ពាក្យ​ល្អ​ៗ​ទៅ​កាន់​អ្នក​ដទៃ​ដែល​ទៅ ជា​មនុស្ស​ដូច​គ្នា ក៏​ចង់បាន​ពាក្យ​ណែនាំ​ល្អ​ៗ​ដូច​គ្នា ។

~

~

បើ​តាម ពេជ្រ សូលី​កា ថា តារា​ក៏​ជា​មនុស្ស ហេតុ​អី​តារា​គ្មាន​សិ​ទិ្ធ​ទទួល​ពាក្យ​ល្អ​ៗ​ដូច​មនុស្ស​ធម្មតា? មិន​ពេញចិត្ត​អាច​និយាយ​ណែនាំ​ល្អ​ៗ​មក​បាន តែ​ម៉េច​ចាំបាច់​ត្រូវ​ប្រើ​ពាក្យ មីនេះ មីនោះ មី​ក្របី មី​គម្រក់ មី​តារា​បាត​សង្គម ធ្វើ​អី បង​ៗ​ជា​មនុស្ស​ថ្លៃថ្នូរ បែរជា​មក​ប្រើ​ពាក្យ​សម្ដី​អស់ទាំង​នេះ ធ្វើ​ដូច​ជា​ខ្ញុំ​ទៅ​ប្លន់​គេ ដុត​ផ្ទះ​គេ​។

~

~

នាង​ថា ខ្ញុំ​យល់ចិត្ត​បង​ៗ​ដែល​ខ​មិន​មួយ​ចំនួន ថា​បង​ៗ​មាន​អារម្មណ៍​បែប​ម៉េច តែ​ខ្ញុំ​ក៏​ចង់អោយ​បង​ៗ​យល់​ពី​ពួក​ខ្ញុំ​ដូច​គ្នា​ថា វា​ជា​តួនាទី​ការងារ​របស់​ពួក​ខ្ញុំ ខ្ញុំ​ត្រូវ​បំពេញ​វា​នឹង​ជា​ទំ​នួ​ស​ខុស​ត្រូវ​របស់ខ្ញុំ មនុស្ស​សុទ្ធតែ​មិន​ដូច​គ្នា អ្នកខ្លះ​រកស៊ី អ្នកខ្លះ​ធ្វើការ ការងារ​សុទ្ធតែ​មិន​ដូច​គ្នា រកស៊ី​សុទ្ធតែ​មិន​ដូច​គ្នា​។ យល់​ថា បើ​មិន​ទទួល​ផ្សព្វផ្សាយ​គ្រឿង​ស្រវឹង វា​មិន​ដាច់​បាយ​ស្លា​.​ប់​ទេ ប​ន្តែ​ពួក​ខ្ញុំ​មាន​សិទ្ធិ​ជ្រើសរើស ព្រោះ​វា​មិនមែន​ជា​ការងារ​លួច​ឆក់​ប្លន់​គេ ចឹ​ង​ពួក​តារា​ដូច​ខ្ញុំ​មាន​សិ​ទិ្ធ​នឹង​ជ្រើសរើស​ការងារ រកស៊ី​ចង់បាន​ចំណូល ធ្វើការ​ចង់បាន​ប្រាក់ខែ ខំ​យប់​ខំ​ថ្ងៃ ក៏​មិន​ព្រម​ធ្វើ​ជា​ចោរ​ដែរ​។

~

~

នាង​បញ្ជាក់​ថា ការងារ​សង្គម​គេ​ធ្វើ​ម៉េច​មើល​មិន​ដែល​ឃើញ​តាម​អ្វី​ដែល​បង​ៗ​យល់​ឃើញ តែ​បង​ៗ​មិនមែន​នៅ​ក្នុង​ហេតុការណ៍​ផ្ទាល់ បងអាច​និយាយ​ម៉េច​ក៏​បាន បង​តែងតែ​និយាយ​ស្រា​បំផ្លាញ​ដល់​មនុស្ស ខ្ញុំ​ទទួលស្គាល់ ប៉ុន្តែ​វា​អាស្រ័យ​ទៅ​លើ​មនុស្ស​ដូច​គ្នា គ្មាន​អ្នក​ណា​បង្ខំ​អ្នក​ណា​បាន​នោះ​ទេ ។ ឧទាហរណ៍​ថា បើ​តារា​ផ្សព្វផ្សាយ​គ្រឿង​ស្រវឹង បើ​ខ្លួន​បង​មិន​ចង់​ផឹក តារា​ក៏​មិន​អាច​ទៅ​បង្ខំ​បង​មក​ផឹក​បាន​ដែរ ហើយ​បើ​តារា​ផ្សព្វផ្សាយ​ថា ហាម​ដាច់ខាត​មិន​អោយ​បង​ផឹក​គ្រឿង​ស្រវឹង បើ​ខ្លួន​បង​នៅ​តែ​ផឹក តារា​ក៏​មិន​អាច​ទៅ​ហ៊ា​ម​បង​បាន​ដូច​គ្នា ក្នុង​នោះ​ក៏​មាន​ពាក្យស្លោក​របស់​គេ «​ពិសារ​ដោយ​ការ​ទទួលខុសត្រូវ​» ៕

~

~

~

~

~

~

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine
Google search engine
Google search engine
Google search engine

Most Popular

Recent Comments