~
ភ្នំពេញ ៖ បេក្ខភាពរកបានហើយតំណាងឱ្យកម្ពុជា បានទៅលើកញ្ញាវ័យឆ្លាតរាងខ្ពស់ ស្តើងស្រអែមស្រស់ គឺកញ្ញា អ៊ិន លក្ខិណា ហើយក៏ត្រៀមខ្លួនជាស្រេចដើម្បីហោះទៅកាន់ឆាកអន្តរជាតិ។ ថ្មីៗនេះ ប្រទេសប៉ូឡូញ ដែលជាម្ចាស់ផ្ទះ ក៏ស្រាប់តែចេញសារផ្តោតការប្រកួតនោះ ចូលន័យលើកទឹកចិត្តអ៊ុយក្រែន ដោយប្រកាសអោយនារីមកប្រកួតតាមប្រទេសនីមួយៗ ត្រូវយល់អំពីប្រធានបទដែលបានដាក់ចេញនេះ។
~
ប្រធានបទនេះ បានចោទឡើងបណ្តើរៗហើយ ព្រោះប្រទេសខ្លះ មិនចង់លូកលាន់ចូលជ្រៅ រវាងការប៉ះទង្គិចគ្នារវាងរ៉ុស្ស៊ី និងអ៊ុយក្រែន។ ចំណែកកម្ពុជាវិញ (CAMBODIA) សូមមានការប្រុងប្រយ័ត្ន ចំពោះដំណើរនៃកាប្រកួត Miss Supranational ឆ្នាំ២០២២ នៅប្រទេសប៉ូឡូញ ខែកក្កដា ឆ្នាំ២០២២ ខាងមុខនេះ ។
~
~
ការប្រកួតនៅក្រោមកិច្ចប្រធានបទ «ជួយដល់អ៊ុយក្រែន» (Help For Ukraine ) រួមទាំងសកម្មភាពវេចខ្ចប់របស់របរធ្វើសប្បុរសធម៌ជួយដល់ជនអន្តោប្រវេសន៍អ៊ុយក្រែន ។ កម្ពុជា ត្រូវតែមាននារីតំណាងដែលខ្លាំងបំផុតសម្រាប់ការប្រកួតនៅឆ្នាំនេះ ជាក់ស្តែងកម្ពុជាយើងរើសបានតំណាងហើយ ប៉ុន្តែនាងត្រូវតែជាបវរកញ្ញាមានស្នាមញញឹមដែលស្អាត រាងស្អាត ដំណើរស្អាត គ្រប់ពេលដែលចេញមុខគ្រប់កម្មពិធី នាងត្រូវតែមានការរៀបចំឲ្យពេញលេញគ្រប់លក្ខណៈ ព្រោះនេះគឺជាបរិបទគ្រប់ឆាកត្រូវតែជួប ហើយវាក៏ជាយុទ្ធសាស្ត្រសម្រាប់ការឈានចូលទៅក្នុងកំពូល Top នៅថ្ងៃផ្តាច់ព្រ័ត្រផងដែរ ។
~
ប៉ុន្តែនៅពេលនេះ មានស្ត្រីទាំង៧នេះ រងចាំពេលទៅដល់ហើយ សំខាន់ តើកម្ពុជាព្រមចូលប្រយុទ្ធជាមួយពួកនាងដែរឬទ0x017d7 ប្រទេសទាំង៧គឺបានត្រៀមយកនារីកំពូលសម្រស់ចេញទៅដណ្តើមមកុដ ហើយគេផ្តោតលើចំណុចមួយចំនួនមាន ៖ ប្រទេសឥណ្ឌា គឺជា Favorite របស់ Supra, ប្រទេសវៀតណាម Top 16 MU 2021 ជាបេក្ខភាពដែលមានភាពស្រស់ស្អាត តែងខ្លួនល្អឥតខ្ចោះជារៀងរាល់ថ្ងៃ ហើយបានបញ្ចប់ការសិក្សាផ្នែកគ្រប់គ្រងធុរកិច្ចពី Stamford Singapore។ ប្រទេសអាហ្វ្រិកខាងត្បូង គឺជាជើងឯករងទី២ MU 2021, ប្រទេសកូឡុំប៊ី ឆ្នាំនេះ កូឡុំប៊ីបានបញ្ជូនបេក្ខភាពបវរកញ្ញាមក គឺស្អាតខ្លាំង ហើយពោរពេញទៅដោយសកម្មភាព។
~
~
ប្រទេសប៉ូឡូញ គឺជាម្ចាស់ផ្ទះដែលផ្តល់ការយកចិត្តទុកដាក់ជាមួយប្រធានបទមួយនេះ Ready Pray for Ukraine និងជាអតីត MU Poland2021, ប្រទេសឥណ្ឌូណេស៊ី ជាប្រទេសដែលជះលុយសម្រាប់វិស័យបវរកញ្ញា ចាយលឿន ផ្ទេររហ័ស, ប្រទេសវេណេហ្ស៊ុយអេឡា ក៏ជា Supra Favorite 1 ទៀតដែលសម្រស់ សមត្ថភាព និងជាប្រទេសផលិតបវរកញ្ញា។
~
~
ចំពោះកញ្ញា អ៊ិន លក្ខិណា វិញ ដែលនៅវ័យក្មេងជាងគេ វ័យក្បែរ២០ឆ្នាំមែន តែសន្ទុះចិត្តឡើងឆាករបស់នាង គឺមិនចេះខ្លាចគេឡើយ។ នាងរមែងដាក់អារម្មណ៍លើការងារ ហើយមិនដែលធ្វើអោយខ្ជីខ្ជាឡើយ។ ភាពក្លាហាន មិនតក់ស្លុតជាមួយឧបសគ្គនេះហើយ ដែលរុញអោយ លក្ខិណា ក្លាយជាម្ចាស់មកុដតំណាងឱ្យកម្ពុជា។ នាងក៏ជាបេក្ខភាព ធ្លាប់ប្រឡងតាមបណ្តាកម្មពិធីជាច្រើន ទើបនាងយល់ច្បាស់ពីការឡើងឆាកនេះ។
~
~
~
~
~
