Tuesday, October 4, 2022
Google search engine
Homeព័ត៌មានសិល្បៈសុំសរសើរ! ស្រី​ស្អាត​២​ដួង​ឡើង​កាលី​ប​រថយន្ត​ថ្មី​ព្រម​ៗ​គ្នា​តម្លៃ​ខ្ទង់​ម៉ឺន​ដុល្លារ

សុំសរសើរ! ស្រី​ស្អាត​២​ដួង​ឡើង​កាលី​ប​រថយន្ត​ថ្មី​ព្រម​ៗ​គ្នា​តម្លៃ​ខ្ទង់​ម៉ឺន​ដុល្លារ

~

​ភ្នំពេញ ៖ តារាចម្រៀង​នាង ឈិ​ន រត​នះ និង ចំរើន សុ​ភ័​ក្រ បាន​រំលេច​រថយន្ត​ថ្មី​ស៊េរី​ទំនើប​ព្រម​គ្នា​បង្កើន​ភាព​ហ៊ឺហារ​សម្រាប់​ជីវិត​ឯកជន​របស់​ខ្លួន ក្រោយ​ជោគជ័យ​ការងារ​សិល្បៈ​កាន់តែ​ខ្លាំង​។ តារា​ទាំង​ពីរ​បង្ហាញ​នូវ​រថយន្ត​ថ្មី​ដែល​មាន​តម្លៃ​ខ្ទង់​ម៉ឺន​ដុល្លារ ជាមួយ​ការ​អារម្មណ៍​រីករាយ​ដោយ​បាន​សម្រេច​ក្តី​ស្រ​ម៉ៃ​តាម​អ្វី​ដែល​ខ្លួន​ប្រាថ្នា​។
អម​ជាមួយ​រូបភាព​រថយន្ត​ថ្មី​ទំនើប ស្រី​ស្អាត ឈិ​ន រត​នះ បាន​ភ្ជាប់​ជាមួយនឹង​សារ​ខ្លី​បង្ហោះ​តាម​ហ្វេ​ស​ប៊ុ​កថា កាដូ​សម្រាប់​ខ្លួនឯង ហេង​ៗ​ឆ្នាំ​ថ្មី អរគុណ​ខ្លួនឯង​ដែល​ខំប្រឹង​ប្រែង​កន្លង​មក សម្រាប់​ខ្ញុំ​វា​ពិតជា​មាន​ន័យ​ណាស់ ដែល​ខ្ញុំ​អាច​បំពេញ​ក្តី​ស្រ​ម៉ៃ​ខ្លួនឯង ស៊ូ​ៗ​បន្ត​ទៀត ។

~

~

ដោយឡែក ស្រី​ស្អាត ចំរើន សុ​ភ័​ក្រ វិញ ដែល​ទើបតែ​យក​រថយន្ត​ថ្មី​ចូល​ផ្ទះ​អោយ​ឪពុក​ម្តាយ​ប្រោះ​ព្រហ្ម​សុំ​ពរ​ជ័យ​នោះ ក៏​បាន​ភ្ជាប់​សារ​បង្ហោះ​តាម​ហ្វេ​ស​ប៊ុ​កថា ថ្ងៃនេះ ជា​ថ្ងៃ​វេលា​ល្អ ព្រះ​ឥន្ទ​សាទរ​ទេវតា​បាចផ្កា នាំ​ប្អូនស្រី​ពៅ​តុបតែង​កាយ​យា រួច​ជូន​ជីវា​ចូល​គេហដ្ឋាន​។ ប្អូន​អើយ​ប្អូនស្រី សូម​ប្អូន​ជួយ​បង មាសប្រាក់​កែវកង​រកស៊ី​មានបាន ទោះ​ទៅ​ឆ្ងាយ​ជិត សូម​សុខក្សេមក្សាន្ត សត្រូវ​ជិត​ប្រាណ​បរវាស​ចៀស​ឆ្ងាយ​។

~

ដោយឡែក​សម្រាប់​តារាចម្រៀង​លោក ណុ​ប បា​យ៉ា​រិ​ទ្ធ ដែល​ធ្លាប់​ជា coach ជួយ​អោយ​តារា​ទាំង​ពីរ​នាក់​អាច​ទទួល​ជោគជ័យ​ឈាន​មក​ដល់​ថ្ងៃនេះ ក៏​បាន​បង្ហាញ​អារម្មណ៍​ដោយ​មោ​ទ​នៈ​ថា អរគុណ​ពេលវេលា​អោយ​ពួក​យើង​ស្គាល់គ្នា ពី​កូនក្រុម​ក្នុង​កម្មវិធី មក​ជា​ប្អូន រួមសុខ រួមទុក្ខ ផ្តល់​កម្លាំងចិត្ត​អោយ​គ្នា ឈាន​មក​ដល់​ចំណុច​នេះ គឺជា​មោទនភាព​មួយ​សម្រាប់​ប្អូន​ទាំង​២​។

~

~

លោក​បញ្ជាក់​ថា មិន​ខ្វល់​ថា គេ​ថា​យើង​អន់ មិន​ខ្វល់​គេ​ស្រលាញ់​យើង​ឬ​អត់ តែ​យើង​ត្រូវ​ច្បាស់​ថា បាន​ស្រលាញ់​គេ​រួច​ហើយ លទ្ធផល​បែប​ណា​ចាំ​គិត​ទៀត ។ អរគុណ​ការ​មើលងាយ អរគុណ​ការ​ឈឺចាប់​ដែល​ជំរុញ​ទឹកចិត្ត​អោយ​ឈាន​មក​ដល់​ចំណុច​នេះ អ្នក​ចង់​ធ្វើ​ជា​កូន​ឆ្មា ឬ ចង់​ធ្វើ​ជា​កូន​តោ គឺ​នៅ​លើ​ខ្លួន​យើង​ជា​អ្នក​កំណត់​ពី​អត្តសញ្ញាណ​ខ្លួន ឯង ។ ស៊ូ ស៊ូ បន្តដំណើរ​ទៅ​មុខ​ទៀត ទៅ​រក​ជោគជ័យ​ធំ​ជាង​នេះ​ទៀត ចុង​ក្រោយ​បង​ចង់​ប្រាប់​ថា ៖ ដរាបណា អ្នក​នៅ​មាន​កម្លាំងចិត្ត ចូរ​ឆ្លាក់​ជីវិត​របស់​ខ្លួនឯង​អោយ​បាន​ល្អ​បំផុត នោះ​អ្នក​នឹង​ដឹង​ច្បាស់​ពី​ខ្លួនឯង​ថា អ្នក​មិន​អន់​ទេ អោយ​កម្លាំងចិត្ត​ខ្លួនឯង ដើម្បី​ឆ្លាក់​ជីវិត​អោយ​ល្អ​បំផុត ព្រោះ​អ្នក​មិន​អន់​ទេ​។

~

~

ជា​ការ​កត់សម្គាល់ តារាចម្រៀង​នាង ឈិ​ន រត​នះ និង ចំរើន សុ​ភ័​ក្រ បាន​ក្លាយជា​តារាចម្រៀង​មួយ​កំពុង​ទទួល​បានការ​គាំទ្រ​គួរសម​ពី​បណ្តា​យុវវ័យ ខណៈ​ពេល​បទ​ចម្រៀង​របស់​ពួក​គេ​ក៏​មាន​ភាព​ល្បីល្បាញ​ពី​ប្រិ​យ​មិត្ត​អ្នក​ស្តាប់​ផង​ដែរ​។ ក្រោយ​ក្លាយជា​តារាចម្រៀង​ពេញ​សិទ្ធិ​នៅ​ផលិតកម្ម​ហង្ស​មាស​នោះ​មក តារាចម្រៀង​ទាំង​ពីរ​បាន​ចាប់ផ្តើម​មាន​ទីផ្សារ​ការងារ​ខ្ពស់ ដោយនៅ​ក្នុង​នោះ​អ្នក​ទាំង​ពីរ​តែងតែ​បង្ហាញ​វត្តមាន​ច្រៀង​លើ​ឆាក​តន្ត្រី​នានា​ជា​បន្តបន្ទាប់​ស្ទើរ​មិន​ដាច់​សូរ​៕ ប្រភព៖ កោះសន្តិភាព

~

~

~

~

~

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine
Google search engine
Google search engine
Google search engine

Most Popular

Recent Comments