~
ភ្នំពេញ ៖ តារាចម្រៀងនាង សួស វីហ្សា បានវិលមកកាន់ឆាកតន្ត្រីជាថ្មីឡើងវិញហើយ បន្ទាប់ពីនាងបានផ្អាកមួយរយៈ ក្រោយពើបប្រទះការឆ្លងជំងឺកូវីដ១៩។ តារាចម្រៀងរូបនេះ បានឡើងឆាកបង្ហើរសំនៀងជាថ្មីតាមរយៈការប្រគំតន្ត្រីផ្សាយផ្ទាល់តាមកញ្ចក់ទូរទស្សន៍ហង្សមាស កាលពីចុងសប្តាហ៍កន្លងទៅនេះ។
~
~
យ៉ាងណា កាលវិលត្រឡប់មកកាន់ក្បាលមេក្រូបង្ហើរសំនៀងជាថ្មីនាពេលនេះ សួស វីហ្សា ហាក់មានអារម្មណ៍ក្តុកក្រួលហូរទឹកភ្នែក ដោយសាររឿងមួយ។ រឿងនោះ ត្រូវបាន សួស វីហ្សា បញ្ជាក់តាមរយៈសារដែលបានបង្ហោះតាមហ្វេសប៊ុកថា រូបថតកាលពីម្សិលមិញ ក្នុងការប្រគំតន្ត្រីរបស់ទូរទស្សន៍ហង្សមាសម្សិលមិញ។
~
~
នាងបញ្ជាក់ថា ច្រៀងផង ទឹកភ្នែកនៅលើឆាកផង ដោយសារតែនឹកគ្រប់យ៉ាង ដោយសារតែរំភើប ជាពិសេសដោយសារតែនឹកសំលេងរបស់ខ្លួនឯង នឹកសំលេងដែលធ្លាប់តែស្រែកខ្លាំងៗ នឹកកម្លាំងសំលេងដែលស្រែកបានតុងខ្ពស់ៗ តែពេលនេះ តែមិនអីទេ សង្ឃឹមថា ខ្ញុំទទួលទោសនេះមិនយូរទេ។ ខ្ញុំសង្ឃឹមថា បន្តិចទៀតបំពង់សំលេងខ្ញុំនឹងវិលមកសភាពដើមវិញផងចុះ។
~
~
~
~
ជាការកត់សម្គាល់តារាចម្រៀងនាង សួស វីហ្សា បានសម្រេចផ្អាកការងារសិល្បៈចម្រៀងមួយរយៈ បន្ទាប់ពីនាងបានឆ្លងជំងឺកូវីដ១៩។ បើទោះបីជានាងបានជាសះស្បើយក៏ដោយ ប៉ុន្តែអារម្មណ៍ភ័យខ្លាចនៃការឆ្លងជំងឺនេះ នៅតែលងបន្លាចនោះ ទើបធ្វើអោយ សួស វីហ្សា នៅតែមិនអាចវិលរកការច្រៀងភ្ផាមៗបានឡើយ។
~
យ៉ាងណា ជារឿយៗតារារូបនេះ នៅតែថ្លែងការនឹករលឹកដល់ទស្សនិកជន ជាពិសេសប្រិយមិត្តគាំទ្រ ក្នុងពេលដែលនៅតែបញ្ជាក់យ៉ាងច្បាស់ៗថា នាងនឹងមិនបោះបង់ចោលការងារសិល្បៈចម្រៀងរបស់នាងត្រឹមនេះឡើយ៕ ប្រភព៖ កោះសន្តិភាព
~
~
~
~
~
~
