~
អតីតពិធីករនិងតារាចម្រៀងលោកលាន អាហ្វ្រីលគីនីន ដែលបានឡើងងារជា”ឧកញ៉ា”កាលពីចុងឆ្នាំ២០១៩ នោះស្រាប់តែកាលពីថ្ងៃទី១ខែមីនា ឆ្នាំ២០២២ ត្រូវបានបុរសម្នាក់មានហ្វេសបុកឈ្មោះថាSekharith Be បានបង្ហោះរូបភាពលោកគីនីន នៅលើបណ្ដាញសង្គមដោយផ្ដាំលោកឧកញ៉ារូបនេះឲ្យចូលខ្លួនមកដោះស្រាយបំណុលថែមទៀតផងទើបធ្វើឲ្យទាំងក្នុងនិងក្រៅសិល្បៈមានការភ្ញាក់ផ្អើលនិងចោទជាសំណួរថាហេតុអីបានជាលោកឧកញ៉ាអាហ្វ្រីលគីនីន ជំពាក់លុយគេរហូតដល់ត្រូវម្ចាស់បំណុលលាតត្រដាងជាសាធារណៈបែបនេះទៅវិញ?
~
~
អ្នកយកព័តមានយើងបានទូរស័ព្ទទៅលោកឧកញ៉ាលាន អាហ្រ្វីលគីនីន កាលពីថ្ងៃទី២មីនា តែទូរស័ព្ទចូលលោកមិនលើកឡើយ ទើបមិនទាន់អាចសុំការបំភ្លឺពីស្វាមីរបស់អ្នកនាងកែវ វលក្ខណ៍ បាននោះទេ។គេកត់សម្គាល់ថាមានសារខមិនជាច្រើនបានចូលទៅបញ្ចេញយោបល់ជុំវិញម្ចាស់ហ្វេសបុកដែលទារលុយលោកគីនីន នោះដូចជាឈ្មោះReach Robin សរសេរថា”ឭថាឡើងឧកញ៉ា ឡូវម៉េចចឹងទៅវិញ?”,ហ្វេសហុកឈ្មោះស រាជសិទ្ធ សរសេរថា”សងលុយគេទៅអាក្បាលខូច”,ហ្វេសបុកឈ្មោះគីវ គីមណាង សរសេរថា”ខូច ឈ្មោះល្អៗគេអស់ហើយ” ,ហ្វេសបុកឈ្មោះVannak Sen សរសេរថា”លុយខ្ញុំ៣០០០ដុល្លារដែរអត់ឲ្យ”…។
~
~
ទោះជាយ៉ាងណាជុំវិញការចោទប្រកាន់ពីលោកSekharith Be និងការខមិនទាំងឡាយទម្លាក់បន្ទុកលើលោកឧកញ៉ាលាន អាហ្រ្វីលគីនីន នោះយើងរងចាំការបំភ្លឺពីអតីតតារាល្បីឈ្មោះរូបនេះជានិច្ច។ដោយឡែកនៅលើហ្វេសបុករបស់លោកអាហ្រ្វីលគីនីន វិញហាក់គ្មានការបារម្ភរឿងគេតាមទារលុយនោះទេគឺលោកច្រើនតែបង្ហាញពីដំណើរកម្សាន្ដជួបជុំគ្រួសារ និងមុខជំនួញរបស់លោកជាបន្ដបន្ទាប់។
~
~
គូរបញ្ជាក់ថាលោកលាន អាហ្រ្វីលគីនីន បានផ្អាកពីអាជីពសិល្បៈទាំងស្រុងក្រោយក្លាយខ្លួនជាឧកញ៉ាហើយស្វាមីរបស់អ្នកនាងកែវ វរលក្ខណ៍ រូបនេះបានងាកទៅរកស៊ីផ្នែកអចលនទ្រព្យទិញលក់ដីធ្លី និងដឹកថ្មលក់ជាដើម។លោកគីនីន ដែលធ្លាប់លេចឭថាមានទាក់ទងជាមួយស្រីញីរហូតមានតារាខ្លះយំសោកបោកខ្លួនដោយសារតែមន្ដស្នេហ៍របស់លោកនោះក៍ក្លាយទៅជាប្អូនថ្លៃរបស់លោកឧត្តមសេនីយ៍ឈុំ សុជាតិ អ្នកនាំពាក្យក្រសួងការពារជាតិកម្ពុជា និងជាស្វាមីរបស់អ្នកនាងកែវ ពិសី ។ប៉ុន្ដែគេមិននឹកស្មានថាលោកឧកញ៉ាគីនីន ដែលធ្លាប់ឃើញតែជិះរថយន្ដទំនើបៗជាច្រើនគ្រឿងនោះត្រូវគេតាមទារលុយបែបនេះសោះ៕ ប្រភព៖ កោះសន្តិភាព
~
~
~
~
