Wednesday, August 10, 2022
Homeព័ត៌មានសិល្បៈកែដើមទ្រួងមែន តែមិន​ដែល​យំ​ក្រោយបែកនាយចឺម

កែដើមទ្រួងមែន តែមិន​ដែល​យំ​ក្រោយបែកនាយចឺម

~

~

~

តារាសម្ដែងតូចត្រឡឹងគូរឲ្យក្នក់ក្នាញ់នាងហ្វា ហ្វា ហៅស្រីយី បានព្យាយាមមិនប្រាប់​ពីមូល​ហេតុនៃការប្រេះឆា​ស្នេហ៍​លោកសុខ មេសា ហៅនាយចឺម ឡើយដោយនាងថាអត់ចង់​រំលឹក​រឿងចាស់ចង់គិតតែពីអ្វីដែលថ្មីៗ។ស្រីយី ប្រាប់”នគរធំ”កាល​ពី​ថ្ងៃទី២៦ខែធ្នូ ថានាងសូម​អធ្យា​ស្រ័យចំពោះអ្នកសារព័ត​មានព្រោះមិនអាចរំលឹកឬនិយាយរឿងបែកបាក់ជាមួយនាងចឺម នោះ​បានទេ។នាងក៍បានឲ្យដឹងថាចំពោះការដែលនាងយំបង្ហូរ​ទឹកភ្នែកជោគថ្ពាល់​នោះមិន​មែន​​ទាក់ទងរឿងពិបាក​ចិត្តដោយ​សារ​តែចែកផ្លូវគ្នាជាមួយនាយចឺម នោះឡើយ ប៉ុន្ដែនោះ​គឺជា​ការ​សម្ដែង​ក្នុង​ផលិតកម្មមួយដែលអ្នកដឹកនាំតម្រូវ​ឲ្យនាង​លេងតួ​កម្សត់​យំដល់ទៅ៦ថ្ងៃ​ជាប់គ្នាឯណ្ណោះ។ហ្វា ហ្វា បន្ថែមទៀតថាពេលនេះនាងមិនទាន់មានសង្សារថ្មីនោះទេ ហើយក៍​មិនដឹងថា​មាន​​អ្នក​ណា​​ខ្លះតាមស្រលាញ់ដែរ តែសម្រាប់រូបនាងគឺការជួបគ្នា​ជឿរទៅលើ​និ​ស្ស័​យ​ច្រើនជាង ហើយ​នាងមិនទាមទារច្រើន​ឡើយពោលគឺបើជួប​មនុស្សដែលខ្លួនស្រលាញ់​ឲ្យ​តែមានចិត្តគំនិតដូចគ្នា ,ចេះស្ដាប់ហេតុផលគ្នាទៅវិញទៅមក នោះអាច​ចាប់​ដៃគ្នារស់នៅជា​មួយ​គ្នាបាន​ហើយ។

~

~

~

ហ្វា ហ្វា បានភ្ជាប់ស្នេហ៍ជាមួយនាយចឺម ជាចំហជាង២ឆ្នាំដោយអ្នកទាំង២មាន​គម្រោង​​​រៀបការជាមួយគ្នាទៀតផង ខណៈ​ដែល​ក្នុងកម្មវិធីឡើងផ្ទះនាយចឺម កាលពី​ថ្ងៃទី​៩ខែមករាឆ្នាំ២០២០ នៅខេត្តកំពង់ស្ពឺនោះស្រីយី បានទៅជួបម្ដាយនាយនិងសាច់​ញាត្តិ​នាយចឺម ហើយចាស់ទុំទាំងសងខាងចង់ឲ្យពួកគេដឹកដៃគ្នា​ចូលរោង​ការ។ប៉ុន្ដែនៅខែតុលា​ឆ្នាំ២០២១ នាយចឺម -ហ្វា ហ្វា បានចែកផ្លូវគ្នាកណ្ដាលទី ហើយភ្លាមៗនោះលោកមេសា រក​បាន​សង្សារថ្មីជាអ្នកមេម៉ាយកូន១ខ្មែរឥស្លាមសាច់សខ្ចី​ដូចបណ្ដូល​ចេក​ដែលពេលនេះពួក​គេទាំង២ស្អិតល្មូតគ្នាដូចស្កតាំងម៉ែ។អ្វីដែលមិនគូរឲ្យជឿរនោះនាយចឺម ថែមទាំង​ធ្វើឲ្យ​សង្សារ​ទី៤កាន់​តែ​មានភាពកក់ក្ដៅ​ក្នុងចិត្តថែម​ទៀត​​ព្រោះនាយបានដាក់បន្ទុកទៅអតីត​សង្សារ​ថាចូលមកក្នុងជីវិតនាយ ដើម្បីសម្លឹងមើល​ឃើញ​​​តែ​​ពីផលប្រយោជន៍​ មិនមាន​ស្នេហ៍ស្មោះសដូចសង្សារថ្មីរបស់នាយគឺនាងសេង សុខគីម នោះ​ឡើយ។

~

~

~

ការអះអាងរបស់​នាយ​ចឺម បែបនោះប្រាកដជាធ្វើឲ្យអតីតសង្សារ​ទាំង៣​គឺទី១៖​នាង​អៀ ម៉េងលិ ហៅអូន​ម៉ីម៉ី,ទី២៖ពុធ ស្រីខួច និងទី៣៖ហ្វា ហ្វា ហៅស្រីយី នេះប្រាកដជាចុកឈាម​រៀង​ៗ​ខ្លួន​ជាមិនខាន។ប៉ុន្ដែហ្វា ហ្វា វិញនាយចឺម បែជាទុកផ្លូវ​ក្រោយថា​បើមានបទ​ចម្រៀង​ណា​សាក​សមជាមួយតួស្រីជាអតីតសង្សារ​របស់ខ្លួនរូបនេះសម្ដែងនាយ ​នៅតែហៅថត។ការ​លើក​ឡើង​របស់​នាយចឺម បែប​នេះ​ត្រូវបានស្រីយី តបវិញថានាងប្រាកដជានៅតែថត​សម្ដែងឲ្យ​នាយ​ចឺម ដដែលឲ្យតែហៅថត។ហ្វា ហ្វា ថាក្នុងករណីដែល​នាងទៅកម្មវិធីណា​មួយហើយ​បានជួបនាយចឺម ដោយចៃដន្យនោះនាងនៅតែនិយាយ​ស្ដីរកសង្សារចាស់​ជាធម្មតា អត់មាន​គេចវែស​រត់ចេញទៅណានោះទេ។នាងថាពិភព​លោកនេះគ្មានអ្វីអាក្រក់នោះទេ​ឲ្យតែយើង​គិតល្អៗនោះអ្វីៗ​នៅជុំវិញខ្លួន​យើង​ក៍ល្អដែរ ហេតុនេះហើយមានន័យថាការចងមិត្ត ប្រសើរ​ជាង​សត្រូវ។

~

~

ទាក់ទងការកែសម្រស់ដើមទ្រួងវិញនាងហ្វា ហ្វា ហៅស្រីយី ថានាងពិតជាបានកែមែន ហេតុនេះហើយនាងមានតែ​សុំ​ទោស​ចំពោះFanរបស់នាងដែលមិនចង់ឲ្យនាងកែសម្រស់នោះ។នាងថាបានកែដើមទ្រួងក្នុងស្រុក ហើយពេលនេះស្ថានភាព​សុខ​ភាពនាងល្អធម្មតា គ្មានការ​ធ្វើ​ទុក្ខ​ត្រង់​ណាមួយឡើយ។ស្រីយី បន្ថែមទៀតថាការកែដើមទ្រួងនេះមិនមែនជា​ការធ្វើដើម្បី​តម្រូវ​ឬផ្គាប់ចិត្តអ្នកណាម្នាក់នោះទេ ប៉ុន្ដែធ្វើដើម្បីខ្លួនឯង ឲ្យកាន់តែស្អាតថែមទៀត​។អតីត​សង្សារ​​នាយចឺម រូបនេះថានាងចង់​កែ​ត្រង់​ចំណុចពិសេសនេះជាយូមកហើយ មិនមែន​ក្រោយ​បែក​សង្សារទើបរត់មកកែសម្ផស្សនោះទេ។ទស្សនិកជនរងចាំមើលថា​នាងហ្វា ហ្វា នឹងភ្ជាប់ស្នេហ៍ថ្មីជាអ្នកសិល្បៈដូចគ្នាទៀត​ឬក៍​ដំបៅបេះដូង១នេះធ្វើឲ្យនាងលែង​ចង់​បាន​​សង្សារជាតារាទៀត​ហើយ?

~

~

~

~

~

~

~

~

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine
Google search engine
Google search engine

Most Popular

Recent Comments