គ្រាន់តែខិតជិតដល់ថ្ងៃចូលឆ្នាំភ្លាម អ្នកគាំទ្រជាច្រើននាក់មានការភ្ញាក់ផ្អើលមិនស្ទើរនោះទេ សម្រាប់តួឯកស្រីរាងតូចច្រឡឹង Now tisanart ដែលគ្រប់គ្នាស្គាល់យ៉ាងច្បាស់ថា ជាសង្សាររបស់កំពូលតារាសម្ដែងតួឯកប្រុសវ័យក្មេង មានឈ្មោះថា New Wongsakorn ដែលថ្មីៗនេះ តារាស្រីរូបនេះ មិនដឹងថា តើមានរឿងអ្វីនោះទេ? នៅសុខៗ ស្រាប់តែនាងសម្រេចចិត្តកាត់សក់ខ្លី ដែលកាលពីមុននាងខំរក្សាសក់អស់ជាច្រើនឆ្នាំមកហើយ ទើបពេលនេះ នាងដាច់ចិត្តថា កាត់ចោលតែម្ដង។ ណាមួយអាកាសធាតុ ក៏វាមិនអំណោយផលនោះដែរ ក្រោយពេលជិតចូលឆ្នាំ មេឃកាន់តែក្ដៅទៅៗ។
មិនតែប៉ុណ្ណោះ តារាស្រីមុខមាត់សិចស៊ីរូបនេះ នាងក៏លាបពណ៌សក់របស់ខ្លួនពីពណ៌ខ្មៅទៅជាពណ៌ត្នោតផងដែរ ដោយមើលទៅហាក់បីដូចជាប្លែកមែនទែនតែម្ដង។ រហូតដល់ថ្នាក់ធ្វើអោយអ្នកគាំទ្រ ជាពិសេសនារីៗនាំគ្នាលើកសរសើរមិនដាច់ពីមាត់នៅម៉ូដសក់ថ្មីរបស់នាង ជាមួយនឹងការលេងខ្លួនខោជើងវែង អាវខ្មៅដៃខ្លី បូករួមជាមួយនឹងរាងស្ដើងខ្ពស់មើលពីជ្រុងណាក៏មិនចេះធុញនោះដែរ កាន់តែមើលកាន់តែលង់។ ជាពិសេសមើលយូរៗទៅ កាន់តែស្អាត អ្នកណាឃើញហើយ ច្បាស់ជាងាកក្រឡេកមកមើលមិនដាក់ភ្នែកនោះឡើយ។
តែអ្វីដែលនឹកស្មានមិនដល់នោះ ឃើញថា មុនពេលមានអ្នកធ្វើម៉ូដសក់ថ្មីអោយតារាស្រីរូបនេះ មិត្តប្រុសរបស់នាងក៏ចង់ចូលរួមក្នុងការកាត់សក់នេះដោយដៃខ្លួនផ្ទាល់ផងដែរ ដោយលោកប្រើក្លីបកាត់សក់ខ្លី រហូតដល់ពាក់កណ្តាលខ្នងជាមួយនឹងទឹកមុខញញឹមសើចសប្បាយរីករាយ ហើយមុននឹងបញ្ជូនបន្តទៅជាងកាត់សក់។ ម៉ូដសក់ថ្មីសម្រាប់តារាស្រី now ដោយមិត្តប្រុសរបស់នាងធ្វើការបង្ហោះឃ្លីបវីដេអូ ដែលលោកបានតម្រឹមសក់របស់តារាសម្ដែងស្រី Nowផងដែរ។ ក្រោយពីកាត់សក់ខ្លីហើយភ្លាម មិនទុកយូរតារាស្រីថៃរូបនេះ នាងក៏បង្ហាញរូបរាងថ្មីរបស់ខ្លួន តាមរយៈនៅក្នុងគណនី Instagram ផ្ទាល់ខ្លួន @now_tisanart ជាមួយនឹងសារនិយាយរៀបរាប់ ថែមទាំងបញ្ជាក់ដាក់ Caption បែបនេះថា «កាត់ចិត្តហើយ មិនបានកាត់សក់មុន Seeyou# ចង់កាត់យូរហើយ»។ នៅពេលកាត់សក់ចាស់ចោល ហើយបានសក់ថ្មីមក តារាស្រីរូបនេះក៏ថតបង្ហោះដោយភ្ជាប់ជាមួយសក់វែងមិនទាន់កាត់ ជាមួយនឹងសក់ខ្លីដែលកាត់រួច នៅក្នុងគណនី Tik Tok របស់ខ្លួន។
ក្រោយពេលធ្វើការបង្ហោះវីដេអូមិនទាន់បានប៉ុន្មានផង ក៏មានហ្វេនៗមិនតិចនាក់នោះឡើយនាំគ្នាចូលទៅខមិនសរសើរគ្រប់ៗគ្នាថា «ឡូយម្ល៉េះនឹងបងស្រី ពេលកាត់សក់ខ្លីដូច្នេះទៅ ពិតជាប្លែកខ្លាំងមែនទែន» «គួរអោយស្រលាញ់ខ្លាំងណាស់អាយដលរបស់ខ្ញុំអើយ កាលនៅសក់វែងក៏ស្អាត ដល់ពេលកាត់សក់ខ្លីហើយរឹតតែស្រស់ស្អាតទៀត មើលពីជ្រុងខាងណាក៏មិនចេះធុញនោះដែរ»។
អ្នកខ្លះទៀតក៏បញ្ចេញមតិដូច្នេះថា «មិនត្រឹមតែជាកំពូលតារាសម្ដែងស្រីដ៏មានស្នាដៃ និងទេពកោសល្យតែមួយមុខនោះទេ បើនិយាយអំពីរូបរាងសម្រស់ចរិតវិញ ក៏គួរអោយស្រលាញ់ដែរ រួសរាយរាក់ទាក់ មិនចេះរឹក ទៅណាកន្លែងណាក៏មិនដែលធ្វើអោយហ្វេនៗខកបំណងចំពោះគាត់នោះដែរ ស្រលាញ់ត្រង់នឹងតែម្ដង»។
ចំណែកមួយចំនួនទៀតក៏ពោលថា «ខ្ញុំមិនចេះតែនិយាយយ៉ាងមិចនោះទេ ពេលដែលបងស្រីកាត់សក់ខ្លីអញ្ចឹងទៅ ខ្ញុំមានអារម្មណ៍ថា ស្អាតប្លែកខុសពីមុនឆ្ងាយខ្លាំងណាស់ ដូចមនុស្សពីរផ្សេងគ្នាណាស់» «អាយដលរបស់ខ្ញុំចេញមកម្ដងនេះ រៀងហិលបន្តិចហើយ បើមិនប្លែកមិនឡូយ មិនមែនបងស្រី Now នោះទេ និយាយមែន» «មនុស្សស្អាត ទោះបីធ្វើម៉ូដសក់បែបណាក៏នៅតែស្អាត» «ប្តូររូបរាងមកជាស្រីស្អាតវិញម្តងហើយ កាលពីមុនស្អាតបែបសុភាពនារី តែពេលនេះមកបែបហិលៗ» «ស្អាតខ្លាំងណាស់បងស្រី ទាំងទម្រង់មុខ ដងខ្លួន ហិលខ្លាំងញាក់សាហា.វ ប្តូររូបរាងទៅដូចម៉ូដែលម្ល៉េះ។ សាកសមសម្រាប់អាកាសធាតុក្តៅបែបនេះផង ព្រោះអីមេឃហាក់ដូចជាក្ដៅខ្លាំងណាស់ កាត់អោយអស់ៗបែបនឹងក៏ល្អដែរ វាមិនរញេរញៃ» «ស្រួលកក់សក់ខ្លាំងណាស់អាយដលអើយ ពេលសក់ខ្លីបែបនេះនោះ ខ្ញុំចង់កាត់ដូចបងដែរ ព្រោះអីប៉ុន្មានថ្ងៃនេះ មានអារម្មណ៍ថា មេឃក្ដៅហួតហែងតែម្ដងហើយ ចេះឆេះហើយម្ដងៗ បើអត់ងូតទឹកទៀតដឹងតែបែកញើសពេញខ្លួនម៉ង ណាមួយជិតចូលឆ្នាំផង ចង់តែងខ្លួនអោយបានស្អាតម្ដង កុំអោយវាដដែលៗពេក» «កាត់សក់ខ្លីតែប៉ុណ្ណេះ បងប្រុសដឹងតែស្រលាញ់ដកចិត្តពីចែលែងរួចហើយ»៕
