~
~
ភ្នំពេញ ៖ កាលពីពេលថ្មីៗនេះ មហាជនជាច្រើនប្រាកដជាបានដឹងហើយនៅដំណឹងដែលស្ទើរតែមិនគួរអោយជឿមួយ បន្ទាប់ពីតារាសម្ដែងប្រុស ក៏ដូចជាពិធីករដ៏ល្បីឈ្មោះមួយរូបនោះ គឺលោក ដាវុធ ដែលមានរូបរាងស្រស់សង្ហាអមដោយសមត្ថភាពពេញខ្លួន ទទួលបានការស្រលាញ់ និងគាំទ្រយ៉ាងច្រើនសន្ធឹកសន្ធាប់ពីសំណាក់ពុកម៉ែបងប្អូនរូបនេះ បានចេញមុខមកបង្ហោះរូបមួយសន្លឹក ដោយភ្ជាប់ជាមួយសារដាស់តឿនអោយបងប្អូនមានការប្រុងប្រយ័ត្ន ក្រោយពីលោកត្រូវបានក្រុមមនុស្សមិនស្គាល់មុខ លួចគប់កញ្ចក់ឡានរបស់លោកកណ្ដាលយប់ ពេលត្រឡប់មកកាន់ទីក្រុងភ្នំពេញវិញ។
~
~
ដោយក្នុងនោះផងដែរ លោកបានរៀបរាប់អោយដឹងបែបនេះថា «យប់ម៉ិញម៉ោង១ជាង ខ្ញុំចេញពីកំពតមកភ្នំពេញ បន្ទាប់ពីកម្មវិធី concert នៅចង្ងាយផ្លូវប្រហែលជា 60km ពីក្រុងកំពត មានគេយកដុំថ្មគ.ប់ឡានខ្ញុំ ពួកគាត់ជិះម៉ូតូបញ្ច្រាស់ផ្លូវ បិទភ្លើងម៉ូតូ គប់យកតែម្តង បងប្អូនប្រយ័ត្នពេលធ្វើដំណើរយប់តាមផ្លូវជាតិលេខ៣ នៅគីឡូម៉ែត ដូចបានជម្រាបជូន បណ្តាំ ៖ ហាមឈប់ពេលមានរឿងនេះ»។
~
~
លោកក៏បានប្រាប់នៅក្នុងខមិនទៀតថា «បងប្អូន ពេលជួបរឿងនេះ បងប្អូនធ្វើចិត្តអោយធ្ងន់ នឹងន៎បំផុត កុំធ្វើអី បើកទៅមុខ គ្រប់យ៉ាង បងៗអាជ្ញាធរដោះស្រាយ បើកដេញបុក បាញ់ ឬទង្វើអ្វីផ្សេងទៀត មិនមែនជាដំណោះស្រាយ រឿងគេគប់យើង គេខុស រឿងយើងដេញបុកគេ យើងខុស រឿងពីរនេះផ្សេងគ្នាណាបងប្អូន រឿងដែលយើងត្រូវធ្វើ គឺប្រយ័ត្នប្រយែង»។
បន្ទាប់មកក៏មានអ្នកចូលទៅខមិនប្រាប់ថា «ការធ្វើដំណើរពេលយប់ចឹងប្រឈមនឹងគ្រោះថ្នាក់ណាស់បង» «Take care idol សំណាងហើយដែលមិនមានរឿងធំដុំជាងនេះ» «ផ្លូវនឹងញឹកណាស់ ខ្ញុំវាកាក់ពីមុខ ធ្វើខូចម៉ូតូម៉ង សំណាងចេះគេចលឿន» «គ្រប់តាមផ្លូវ ពេលយប់សំបូរពួកនឹងណាស់ បើសិនអាចទៀបភ្លឺសឹមចេញមកសុវត្ថិភាពជាងបង សូម្បីផ្លូវពោធិ៍សាត់ម្តុំក្រគ ក៏សំបូរដែរ» «អរគុណសម្រាប់ការចែករំលែក និងសូមអោយប្អូនមានសំណាងល្អ» «គួរអោយខ្លាចមែនអូន សំណាងមិនមានគ្រោះថ្នាក់ក្នុងការបើកបរ សង្ឃឹមថាព័ត៌មាននេះ ដល់អាជ្ញាធរខេត្តកំពត នឹងមានចំណាត់ការឆាប់ៗ សូមអោយអូនផុតគ្រោះភ័យណា»។
~
~
ក្រោយពេលបានឃើញបែបនេះភ្លាម ធ្វើអោយលោក ហេង វិសាល ទប់មិនជាប់បោះសម្ដីបែបនេះភ្លាមថា «សុំសួរមួយ ពេលគេគប់យើងចឹង យើងបកឡានដេញបុកវា យើងខុសអត់?»។ ភ្លាមៗនោះ លោកបានបន្តនៅក្នុងខមិនទៀតថា «ព្រះធម៌ពិតជាបានជួយខ្ញុំច្រើនណាស់ ខ្ញុំពិតជាទទួលបានក្តីសុខដែលខ្ញុំមិនធ្លាប់មានជាច្រើន វាពិតជាមានក្តីសុខ ប៉ុន្តែខ្ញុំមានអារម្មណ៍ថាវាអយុត្តិធម៌មែនទែន ដោយសារមេត្តាពេក មនុស្សខ្លះពិតជាមិនគួរសមទទួលបានក្តីមេត្តានោះទេ ចឹងពីថ្ងៃនេះទៅសុំលាធម៌មួយរយៈ ដើម្បីការពារខ្លួនឯង និងមនុស្សដែលខ្ញុំស្រឡាញ់»។
បន្ទាប់ពីបានលឺដូច្នេះហើយ ក៏មានពូកម៉ែបងប្អូនជាច្រើននាំគ្នាចូលទៅបញ្ចេញមតិលើកឡើងថា «អរគុណដែលយកអ្វីដែលខ្ញុំកំពុងគិតមកនិយាយជំនួស» «មួយរយៈនេះ បងសាលដូចជាកាចដល់ហើយ» និងនៅមានពាក្យខមិនជាច្រើនទៀតដែលមិនអាចរៀបរាប់អស់ឡើយ៕
~
~
~
~
~
