វិធីដាំល្ហុងអោយបានដើមតឿ និងឆាប់ផ្លែត្រូវដាក់បណ្តុះកូន អោយបានកម្ពស់ជិត ២តឹក រួចដកវាយកមកដាំ។ ពេលដាំត្រូវកាត់ឬសកែវរបស់វាចោលដោយទុក ៥សង់ទីម៉ែត្រ ពីគល់របស់វា។ ដាក់ដាំវានៅរណ្តៅដែលបានរៀបចំរួច ដោយដាក់ដាំទ្រេតទៅទិសខាងកើតប្រមាណ ៤០ដឺក្រេ។

ពេលដាំត្រូវដាក់ចំអំបែងក្បឿងទំហំកន្លះតឹកបួនជ្រុង ឲ្យចំកណ្តាលឫសកែវរបស់វា គឺវាជួយឱ្យឫសកែវក្រិន ហាក់បីដូចជាយើងបានគ្រៀវឫសនោះដែរ ហើយម្យ៉ាងទៀតបើកូនល្ហុងនោះជាល្ហុងឈ្មោល ក៏ក្លាយជាល្ហុងញីដែរ។ ផ្ទុយទៅវិញ ប្រសិនបើយើងទុកឱ្យឫសកែវចាក់ចុះទៅ ក្នុងដីជ្រៅ ធ្វើឱ្យដើមខ្ពស់ពេលមានផ្លែ ឬខ្យល់ដើមនឹងរលំបាក់។
ពេលវេលាដាំយើងអាចដាំដំណាំល្ហុងបានពេញមួយឆ្នាំ ប៉ុន្តែភាគច្រើន គេនិយមដាំដើមរដូវភ្លៀង និងចុងរដូវភ្លៀង ពិសេសចៀសវាងកុំឱ្យកូនល្ហុងទទួលការជាំទឹកបាន ។

ការថែទាំជាកិច្ចការមួយសំខាន់ណាស់ ក្រោយពីយើងដាំហើយ ទិន្នផលបានល្អ ឬមិនល្អ អាស្រ័យលើការថែទាំ ។ ក្នុងការថែទាំមានការស្រោចទឹក ដាក់ជីបំប៉ន ពូនគល់ និងជំរះស្មៅ ។ល។ គេអាចប្រមូលផលដំណាំល្ហុងបានចាប់ពីអាយុ៧ទៅ៨ខែឡើងទៅ ។ វាចាប់ផ្តើមផ្កាផ្លែហើយបេះរហូតពេញមួយឆ្នាំ ហើយវានឹងឱ្យផលច្រើននៅពេលមានអាយុពី២ទៅ៣ឆ្នាំ។ ប្រភព៖ អ៊ាង សុផល្លែត

សូមមើលរូបខាងក្រោម៖