~
~
~
ព្រលានយន្តហោះអន្តរជាតិភ្នំពេញថ្មី ពិតជាអស្ចារ្យ និងជា អាកាសយានដ្ឋានដ៏ទំនើបលើកដំបូងនៅកម្ពុជា ទោះយន្តហោះខ្នាតយក្សក៏អាចទទួលចុះចតបានដែរ ។ នេះបើតាមប្រសាសន៍របស់ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នាឳកាស សម្ដេច អញ្ជើញចុះត្រួតពិនិត្យការដ្ឋានសាងសង់ ព្រលានយន្តហោះអន្តរជាតិភ្នំពេញថ្មី ស្ថិតនៅឃុំព្រែកស្លែង ស្រុកកណ្តាលស្ទឹង ខេត្តកណ្តាល នាព្រឹកថ្ងៃទី ០៩ ខែធ្នូ ឆ្នាំ២០២១នេះ។
~
~
~
សម្តេចតេជោ ហ៊ុន សែន បានថ្លែងថា ព្រលានយន្តហោះអន្តរជាតិភ្នំពេញថ្មី គឺជា អាកាសយាន្តដ្ឋានដ័ទំនើបលើកដំបូងនៅកម្ពុជា នាំមកនូវសមិទ្ធផលជាប្រវត្តិសាស្ត្រជូនជាតិម្ពុជា និង បង្ហាញឱ្យឃើញពីសមត្ថភាពរបស់ខ្មែរគ្រប់សម័យកាលក្នុងការសាងសមិទ្ធផលជាមរតកសម្រាប់ជាតិ។ សម្តេចតេជោ ថ្លែងបន្តថា ពីអតីតកាល ព្រលានយន្តហោះដែលមានស្រាប់ មិនអាចឆ្លើយតបការរីកចម្រើនរបស់កម្ពុជានាថ្ងៃអនាគតនោះទេ។
~
~
~
មួយវិញទៀត កម្ពុជាមិនមានព្រលានដែលអាចទទួលយកការចុះចតយន្តហោះខ្នាតយក្សនោះទេ ដូចជាព្រលានខេត្តសៀមរាបជាដើម។ ងាកទៅព្រលានយន្តហោះខេត្តព្រះសីហនុក៏ដូចគ្នា ប៉ុន្តែមកត្រឹមពេលនេះ កម្ពុជាបានអភិវឌ្ឍបន្តបន្ទាប់លើមធ្យោបាយចុះចតរបស់យន្តហោះធំៗ ជាលទ្ធផល ទន្ទឹមនឹងព្រលានយន្តហោះថ្មីទំនើបដែលបាន និងកំពុងសាងសង់នេះ គឺកម្ពុជា អាចទទួលយកការចុះចតរបស់យន្តហោះគ្រប់ខ្នាតទាំងអស់។
~
~
~
ជាមួយនឹងផ្លែផ្កានេះ សម្តេចតេជោ ហ៊ុន សែន បាន កោតសរសើរចំពោះកិច្ចប្រឹងប្រែងទាំងឡាយរបស់អ្នកដឹកនាំ បុគ្គលិក និងកម្មករ បម្រើការងារនៅអាកាសយានដ្ឋានអន្តរជាតិថ្មីនេះ ហើយបាន ផ្តល់កម្លាំងចិត្តដល់ក្រុមការងារសាងសង់ទាំងអស់នៅការដ្ឋាន ដែលបានប្រឹងប្រែងយកចិត្តទុកដាក់ខ្ពស់លើការសាងសង់ ដើម្បីនាំមកនូវសមិទ្ធផលជាប្រវត្តិសាស្ត្រជូនជាតិម្ពុជា ។ ទន្ទឹមនេះដែរ សម្តេចតេជោ បានប្រសិទ្ធនាមថា អាកាសយានដ្ឋានអន្តរជាតិថ្មីនេះ ថាជា«អាកាសយានដ្ឋានអន្តរជាតិតេជោក្រុងតាខ្មៅ»ផងដែរ ។
អាកាសយានដ្ឋានអន្តរជាតិភ្នំពេញថ្មីនេះ សាងសង់ឡើងលើផ្ទៃដីទំហំប្រមាណ ២,៦០០ហិកតា ស្ថិតនៅក្នុងក្រុងតាខ្មៅ និងស្រុកកណ្តាលស្ទឹង ខេត្តកណ្តាល និងដីខ្លះស្ថិតនៅក្នុងស្រុកបាទី ខេត្តតាកែវ ។អាកាសយានដ្ឋានអន្តរជាតិថ្មីនេះជាគម្រោងដ៏ធំនៅក្នុងប្រទេសកម្ពុជាដែលបានវិនិយោគក្នុងទឹកប្រាក់ប្រមាណ ១,៥០០លានដុល្លារ ដែលជាគម្រោងវិនិយោគរវាងក្រុមហ៊ុនសាជីវកម្មវិនិយោគក្រៅប្រទេសកម្ពុជា (OCIC) របស់អ្នកឧកញ៉ា ពុង ឃាវសែ និងក្រុមហ៊ុននៃប្រទេសចិនផងដែរ ៕
~
~
~
~
~
~
