~
ភ្នំពេញៈ បុរសដឹកជញ្ជូនម្ហូបអាហារ តាមអនឡាញម្នាក់ ចាញ់កលល្បិចលួងលោមរបស់ស្រីស្នេហ៍ ដោយស្រីនោះ នាំបក្ខពួក មកវាយប្លន់យកម៉ូតូ បានសម្រេច កាលពីវេលាម៉ោង ១១និង៥០នាទី យប់ ថ្ងៃទី២០ ខែមិថុនា ឆ្នាំ២០២២ នៅចំណុចប្រឡាយទឹក ដែលជាកន្លែងស្ងាត់ ស្ថិតនៅក្នុងភូមិព្រៃល្វា សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។ ម៉ូតូដែលជនសង្ស័យ ប្លន់យក ម៉ាកហុងដា ឌ្រីម សេរី ២០២២ ពណ៌ខ្មៅ ពាក់ផ្លាកលេខ ភ្នំពេញ 1JM-9101 ។
~
~
តាមប្រភពពីជនរងគ្រោះ ដែលមិនប្រាប់ឈ្មោះ បានឲ្យដឹងថា នៅមុនពេលកើតហេតុ ជនរងគ្រោះ កំពុងតែលក់អីវ៉ាន់អនឡាញ បន្ទាប់មក ក៏ស្រាប់តែនារីជាសង្សារ បានទូរស័ព្ទ ប្រាប់ឲ្យគាត់ ទៅយកនៅម្ដុំប្រឡាយទឹក ពេលទៅដល់ ខ្លួនកំពុងរៀបចំចងធុងដាក់ឥវ៉ាន់ រំកិលទៅក្រោយ ដើម្បីឲ្យសង្សារអង្គុយ តែផ្ទុយទៅវិញ នារីជាសង្សារ បានដកសោរម៉ូតូ រត់ចេញបន្តិច ក៏លេចមុខជនសង្ស័យមួយក្រុម មានគ្នាប្រាំពីរ ទៅប្រាំបីនាក់
~
~
ស្ទុះមកដេញ វាយជនរងគ្រោះ ឲ្យរត់ចេញពីកន្លែងកើតហេតុ ដោយទុកម៉ូតូចោលនៅទីនោះ ។ ចំណែក ជនសង្ស័យ បានឡើងជិះម៉ូតូ គេចខ្លួនបាត់។ ជនរងគ្រោះ បានត្រឹមហៅមិត្តភក្តិ មកដឹកខ្លួន ទៅរកសមត្ថកិច្ច ឲ្យជួយ និងដាក់ពាក្យបណ្ដឹង។
~
~
នៅពេលទទួលបានដំណឹងភ្លាម កម្លាំងសមត្ថកិច្ចនគរបាល ប៉ុស្តិ៍ចោមចៅទី២ បានចុះមកដល់ ទីតាំងកន្លែងកើតហេតុ ហើយបានសួរនាំជនរងគ្រោះ ហើយបានពិនិត្យមើល ទីតាំងកន្លែង កើតហេតុ ហើយសមត្ថកិច្ចនគរបាល បានស្រាវជ្រាវ និងតាមរកជនសង្ស័យ៕
~
~
~
~
~
~
