Sunday, January 29, 2023
Google search engine
Homeព័ត៌មានជាតិសត្វក្តាន់កម្ពុជានៅមាន តែអាចផុតពូជនៅឡាវ វៀតណាម និងចិន

សត្វក្តាន់កម្ពុជានៅមាន តែអាចផុតពូជនៅឡាវ វៀតណាម និងចិន

~

~

ភ្នំពេញ ៖ យ៉ាង​ហោច សត្វ​ក្តាន់​នៅ​កម្ពុជា​មាន​ចំនួន​៨៤​ក្បាល ។ របាយការណ៍​ស្រាវជ្រាវ​ឆ្នាំ​២០២២​ស្តី​ពី​ស្ថានភាព និង​របាយ​សត្វ​ក្តាន់​ក្នុង​ដែនជម្រកសត្វព្រៃ​ព្រែក​ប្រសព្វ​នៃ​តំបន់​ទេសភាព​ព្រៃ​លិច​ទឹក​មេគង្គ​ក្នុង​ខេត្តក្រចេះ​បាន​បង្ហាញ​ថា មាន​សត្វ​ក្តាន់​សរុប​ចំនួន​ប្រមាណ​៨៤​ក្បាល ។

~

~

លទ្ធផល​នៃ​ការ​ស្រាវជ្រាវ​ក៏​នេះ​បាន​បង្ហាញ​ផង​ដែរ​ពី​វត្តមាន​នៃ​សត្វ​ក្តាន់​វ័យ​ជំទង់ និង​កូន​ជា​ច្រើន​ដែល​ជា​សញ្ញា​វិជ្ជមាន​បង្ហាញ​ពី​ការ​បន្ត​ពូជ​របស់​សត្វ​ដ៏​កម្រ​ប្រភេទ​នេះ នៅ​ក្នុង​តំបន់​ទីជម្រក​ធម្មជាតិ ។

~

អ្នក​វិទ្យាសាស្ត្រ​ធ្លាប់​បាន​សន្និដ្ឋាន​ថា សត្វ​ក្តាន់​បាន​ផុត​ពូជ​ទៅ​ហើយពី​ប្រទេស​កម្ពុជា​រហូត​ដល់​ឆ្នាំ​២០០៦ ទើប​វា​ត្រូវ​បាន​គេ​រក​ឃើញ​មាន​វត្ត​ឡើង​វិញ​ក្នុង​ខេត្តក្រចេះ តាម​រយៈ​រូបភាព​ថត​ដោយ​ម៉ាស៊ីន​ថត​ស្វ័យប្រវត្តិ ។

~

~

លោក អៀម សំ​អ៊​ន់ ប្រធាន​ផ្នែក​ស្រាវជ្រាវ និង​តាមដាន​ជីវៈចម្រុះ​នៃ​តំបន់​ទេសភាព​មេគង្គ​នៃ​អង្គការ WWF បាន​និយាយ​ថា អស់​រយៈកាល​១៦​ឆ្នាំ​ហើយ បន្ទាប់​ពី​ការ​រក​ឃើញ​វត្តមាន​សត្វ​ក្តាន់​ឡើង​វិញ​នេះ​ជា​ការ​ចងក្រង​របាយការណ៍​ស្តី​ពី​ចំនួន​សត្វ​ក្តាន់​នៅ​កម្ពុជា​លើក​ដំបូង សម្រាប់​ការ​អភិរក្ស​សត្វ​ដ៏​កម្រ​នៅ​លើ​ពិភពលោក​មួយ​ប្រភេទ​នេះ​» ។សត្វ​ក្តាន់​ជា​ប្រភេទ​សត្វ​ពិបាក​ប្រទះ​ឃើញ និង​អង្កេត​ផ្ទាល់​ដូច​ប្រភេទ​សត្វ​ក្រចកជើង​ចំពាម​ដទៃ​ទៀត​ណាស់ ។ ការ​សិក្សា​ស្ថានភាព និង​របាយ​សត្វ​ប្រភេទ​នេះ​បាន​ធ្វើ​ឡើង​ដោយ​ការ​ពង្រាយ​ម៉ាស៊ីន​ថត​ស្វ័យប្រវត្តិ​ក្នុង​តំបន់​ដែល​វា​រស់នៅ ។

~

~

ការ​ស្រាវជ្រាវ​នេះ​បាន​សហការ​រៀបចំ​ដោយ​ក្រុម​ជំនាញ​សត្វព្រៃ​មក​ពី​មន្ទីរ​បរិស្ថាន​ខេត្តក្រចេះ​នៃ​ក្រសួងបរិស្ថាន អង្គការ​WWF អង្គការ​BINCO និង​មានការ​ចូលរួម​ពី​សំណាក់​សមាជិក​សហគមន៍ និង​អាជ្ញាធរ​មូលដ្ឋាន​ផង​ដែរ ។

~

~

រដ្ឋលេខាធិការ និង​ជា​អ្នកនាំពាក្យ​ក្រសួងបរិស្ថាន​បាន​មាន​ប្រសាសន៍​ថា ៖ «​ក្រសួងបរិស្ថាន មាន​សេចក្តី​ត្រេកអរ និង​មាន​មោទនភាព​ជា​ខ្លាំង ដែល​ធម្មជាតិ​នៃ​ប្រទេស​កម្ពុជា​ផ្តល់​ទីជម្រក​សុខសាន្ត​សម្រាប់​ការ​រស់រាន​របស់​ប្រភេទ​សត្វ​សំខាន់​ៗ​ជាស​កល​ដូច​ជា សត្វ​ក្តាន់​ដែល​ត្រូវ​បាន​អ្នក​វិទ្យាសាស្ត្រ​បញ្ជាក់​ពី​វត្តមាន និង​ការ​បន្ត​ពូជ​របស់​វា​នៅ​ក្នុង​ដែនជម្រកសត្វព្រៃ​ព្រែក​ប្រសព្វ ។

~

ក្រៅពី​មាន​វត្ត​មាននៅ​ក្នុង​ប្រទេស​កម្ពុជា សត្វ​ក្តាន់​នេះ​ក៏​មាន​រស់នៅ​ផង​ដែរ ក្នុង​ប្រទេស​ឥណ្ឌា នេ​បាល់ ប៊ូ​តាន់ បង់​ក្លា​ដេ​ស ភូមា និង​ថៃ ហើយ​អ្នក​វិទ្យាសាស្ត្រ​ជឿ​ថា សត្វ​ក្តាន់​ប្រហែល​បាន​ផុត​ពូជ​បាត់​ទៅ​ហើយពី​ប្រទេស​ចិន ឡាវ និង​វៀតណាម ៕

~

~

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine
Google search engine
Google search engine
Google search engine

Most Popular

Recent Comments