Thursday, September 29, 2022
Google search engine
Homeជីវិត&ស្នេហាប្តីប្រពន្ធគថ្លង់មួយគូបង្កើតមុខរបរចិញ្ចឹមសត្វផ្គត់ផ្គង់ជីវភាពបានប្រសើរ

ប្តីប្រពន្ធគថ្លង់មួយគូបង្កើតមុខរបរចិញ្ចឹមសត្វផ្គត់ផ្គង់ជីវភាពបានប្រសើរ

~

ប្តីប្រពន្ធគថ្លង់មួយគូបង្កើតមុខរបរចិញ្ចឹមសត្វផ្គត់ផ្គង់ជីវភាពបានប្រសើរ

~

ខេត្តស្វាយរៀង ៖ មហាជន​កោតសរសើរ​ប្តី​ប្រពន្ធ​គ​ថ្លង់​មួយគូ​បង្កើត​មុខរបរ​ចិញ្ចឹមសត្វ​ជា​លក្ខណៈ​គ្រួ​សារបាន​ល្អ​ប្រសើរ​ចេះ​តស៊ូ​រៀនអក្សរ លេខ​និពន្ធ និង​ជំនាញ ដើម្បី​ប្រកប​មុខរបរ​ផ្គត់ផ្គង់​ជីវភាព​គ្រួ​សារបាន​ល្អ​ប្រសើរ​ជា​មធ្យម ។នៅ​ព្រឹក​ថ្ងៃ​ទី​៨ កក្កដា ២០២២ កោះសន្តិភាព​បាន​ទៅ​ជូ​ប​សម្ភាស​បុរស់​ឈ្មោះ សៅ វណ្ណៈ ភេទ​ប្រុស អាយុ​៣៥​ឆ្នាំ គ​ថ្លង់ មាន​ប្រពន្ធ​ឈ្មោះ​សុខ កាន អាយុ​២៥​ឆ្នាំ និយាយ​មិន​ច្បាស់ (​ទ​ឡាន់​)​ថ្លង់ រស់នៅ​ភូមិ​តាណ សង្កាត់​ស្វាយ​តឿ ក្រុង​ស្វាយ​រៀង ប្រកប​មុខរបរ​ចិញ្ចឹមសត្វ​ជា​លក្ខណៈ​គ្រួសារ​រួម​មាន​៖ ជ្រូក​មេ​០៥​ក្បាល ក្នុង​នោះ​មេ​ជ្រូក​១​ក្បាល​មានកូន​តូច​០៨​ក្បាល និង​ចិញ្ចឹម​កូនជ្រូក​យក​សាច់​ចំនួន​៤៥​ក្បាល ។

~

~

មេគោ ៤​ក្បាល មានកូន​៤​ក្បាល សត្វ​ទា​ចំនួន​៥០​ក្បាល សត្វ មាន់​៤៥​ក្បាល និង​ចិញ្ចឹម​កង្កែប​ជាង​៤០០​ក្បាល ហើយ​ក្រៅពី​ការ​ចិញ្ចឹមសត្វ គឺ​មុខរបរ​មួយទៀត​ធ្វើ​ជា​ជាងកាត់សក់​ផង​ដែរ ។ បើ​តាម​ស្ត្រី​ឈ្មោះ ន​ន់ សុខុម អាយុ​៥៥​ឆ្នាំ ត្រូវជា​ម្តាយបង្កើត​របស់​បុរស់ គ​ថ្លង់​បាន​ប្រាប់​កោះសន្តិភាព​ថា គាត់​ជា​ស្ត្រី​មេម៉ាយ មានកូន​០៣​នាក់ ស្រី​ម្នាក់​បាន​រៀប​ការ​អស់ហើយ ចំពោះ​កូនប្រុស​ឈ្មោះ សៅ វណ្ណៈ ដែល​គ ហើយ​ថ្លង់​នេះ គឺជា​កូនច្បង កាលពី​មាន​អាយុ​១៤​ឆ្នាំ ត្រូវ​បាន​អង្គការ​ជន​ពិការ​គ​ថ្លង់​យក​ទៅ​បង្រៀនអក្សរ និង​លេខ​ពន្ធ នៅ​រាជធានី​ភ្នំពេញ សាលា​ភាសាគ​រហូត​ចេះ​មើល​អក្សរ និង​សរសេរ​អក្ស​ចេះ​លេខ​ចេះ​បូកលេខ ដក​លេខ គុណ​ចែក និង​ចេះ​ប្រើ​កាស្យូ ស្ទាត់ជំនាញ​រហូត អាយុ​២២​ឆ្នាំ អង្គការ​គ​ថ្លង់​បាន​ឲ្យ​ជ្រើសរើស​ជំនាញ វណ្ណៈ​បាន​ជ្រើសរើស​ជំនាញ​កាត់សក់ អាយុ​២៤​ឆ្នាំ បាន​សុំ​អង្គការ​ចេញ​មក​ផ្ទះ​ស្រុក​កំណើត​បើក​តូប​កាត់សក់ អង្គការ​ជន​ពិការ​គ​ថ្លង់​បាន​សង់​តូប​ឲ្យ និង​ទិញ​ឧ​បករ​កាត់សក់​ឲ្យ​មួយ​កំ​ប្លេ​ប្រកប​មុខរបរ ក្រោយមក​បាន​សន្សំ​ប្រាក់​ពី​ការ​កាត់សក់​យក​ទៅ​ទិញ​កូនជ្រូក​២​ក្បាល ចិញ្ចឹម ជ្រូក​មេ​ពូជ​យក​កូន ខណៈនោះ​អង្គការ​ឃើញ​វណ្ណៈ​ចង់​ចិញ្ចឹម​ជ្រូក ក៏​បាន​ផ្តល់​ទុន​ធ្វើ​ទ្រុង និង​ចាក់សាប និង​បង្រៀន​បច្ចេកទេស​ជំនាញ​ចិញ្ចឹមសត្វ វណ្ណៈ​បាន​សុំ​អង្គការ​ប្រកប​មុខរបរ​ចិញ្ចឹមសត្វ​ជា​លក្ខណៈ​គ្រួសារ ចិញ្ចឹម​មាន់ ទា ទេស និង​ចិញ្ចឹម​គោ ដាំ​បន្លែ ។

~

~

អង្គការ​ជន​ពិការ​គ​ថ្លង់​កម្ពុជា ក៏​បាន​គាំទ្រ​ផ្តល់​ទុន និង​ផ្តល់​ជំនាញ​ដល់​វណ្ណៈ​រហូត វណ្ណៈ​អាច​ដំណើរការ​អនុវត្តន៍​វិស័យ​កសិកម្ម​កសិដ្ឋាន​ខ្នាត​តូច​លក្ខណៈ​គ្រួ​សារបាន​ជោគជ័យ ។ នៅ​ឆ្នាំ​២០២២​នេះ​វណ្ណៈ បាន​រៀប​ការ​ប្រពន្ធ​ឈ្មោះ សុខ​កាន អាយុ​២៥​ឆ្នាំ ដែល​ជានា​រី​ម្នាក់​ទុំ​ឡាន់ និយាយ​មិន​ច្បាស់ និង​ថ្លង់ មក​ដល់​ពេល​នេះ​នាង​មាន​ផ្ទៃពោះ​០៦​ខែ កូន​ដំបូង ហើយពី​នាក់​ប្តី​ប្រពន្ធ​បាន​ប្រឹងប្រែង​ធ្វើការ​ប្រកប​មុខរបរ​គ្មាន​ទំនេរ​ឡើយ គឺ​កាត់សក់ និង​ចិញ្ចឹមសត្វ​ជា​កសិដ្ឋាន​ខ្នាត​តូច​លក្ខណៈ​គ្រួ​សារបាន​ប្រសើរ​ធ្វើ​ឲ្យ​មហាជន​កោតសរសើរ​ជា​មនុស្ស​ឧស្សាហ៍​ព្យាយាម ។ហើយ​បច្ចុប្បន្ន​នេះ​បន្ថែម ចិញ្ចឹម​កង្កែប​០៣​អាង ស្មើ​ជាង​៤០០​ក្បាល​ទៀត ។

~

~

ទទឹម​ការ​ជោគជ័យ នេះ​ដែរ ម្តាយ​វណ្ណៈ បាន​និយាយ​ថា ប៉ុន្មាន​ឆ្នាំ​ចុង​ក្រោយ​នេះ​ការ​លក់​កូនជ្រូក​បាន​តម្លៃ​ថោក​ពី​មុន​កូ​វី​ដ គឺ​កូនជ្រូក​១​ក្បាល តម្លៃ​១០០​ដុល្លារ បច្ចុប្បន្ន​កូនជ្រូក​គ្មាន​ទីផ្សារ​អ្នកទិញ​ឲ្យ​តម្លៃ​ថោក​ដូច្នេះ​សម្រេច​មិន​លក់​ទុក​ចិញ្ចឹម​យក​សាច់​វិញ ដោយ​ជ្រូក​សាច់ ជ្រូក​រស់​១​គីឡូ​តម្លៃ​១២,០០០​រៀល ។ ហើយ​ការ​ចិញ្ចឹម​គឺ​ឲ្យ​ចំណី​ធម្មជាតិ ទី​ញ​កន្ទក់​និង​បបរ​បន្លែ ទិញ​ចំណី​បំប៉ន​ប​ន្តិ​បន្តួច​ប៉ុណ្ណោះ ៕

~

~

~

~

~

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine
Google search engine
Google search engine
Google search engine

Most Popular

Recent Comments