~
~
ភ្នំពេញ ៖ បើតាមសេចក្តីរាយការណ៍បានឱ្យដឹងថា កញ្ញាភេទទីបី កក្កដា សោភ័ណ្ឌ បានចូលផឹកស៊ីនៅក្នុងហាងមួយកន្លែង ហើយក៏ត្រូវបានបក្សពួកមួយក្រុមទៀត បានប្រើហិ.ង្សាវា.យតប់គ្នាទៅវិញទៅមក រហូតបែកក្បាល បង្កឱ្យមានការភ្ញាក់ផ្អើលកាលពីវេលាម៉ោង៩និង៣០នាទីយប់ ថ្ងៃទី១៦ ខែមិថុនា ឆ្នាំ២០២២ នៅក្នុងហាងផឹកស៊ី យីហោ «Shakasalaka» ផ្លូវសុធារស ស្ថិតក្នុងសង្កាត់ទន្លេបាសាក់ ខណ្ឌចំការមន ។
~
~
~
~
សេចក្តីរាយការណ៍បន្តថា ជនរងគ្រោះមានឈ្មោះ កក្កដា សោភ័ណ្ឌ ស្នាក់នៅ សង្កាត់ទឹកល្អក់២ ខណ្ឌទួលគោក ។ ដោយឡែកជនដៃដល់ ត្រូវបានស្គាល់ឈ្មោះថា កុសម៉ាក ភេទទីបីដូចគ្នា អាយុ២០ឆ្នាំ ស្នាក់នៅសង្កាត់ទន្លេបាសាក់ ខណ្ឌចំការមន បានរត់គេចខ្លួនបាត់ស្រមោល។
~
~
បើតាមការរៀបរាប់របស់ កក្កដា សោភ័ណ្ឌ បានអោយដឹងថា មុនពេលកើតហេតុ ពួកគេមានគ្នាបីនាក់ ជាភេទទីបី បានចេញពីខុនដូរនៅខណ្ឌទួលគោក ហើយក៏បានចូលទៅផឹកស៊ីនៅហាងខាងលើ កន្លែងកើតហេតុនេះ ។ប្រភពដដែលបន្តថា លុះពេលកំពុងផឹកស៊ី ក៏មានបក្សពួកមួយក្រុមទៀតមានស្រីមានប្រុស ដែលអង្គុយផឹកស៊ីនៅតុជិតគ្នាប្រមាណ២០នាក់ ពេលនោះមានម្នាក់ក្នុងចំណោមនោះ ដែលអង្គុយផឹកស៊ីនៅតុជនបង្ក បានមកសុំជល់កែវ ហើយបង្អកស្រាទៅលើរូបនាងអស់កន្លះកែវ ។ ពេលផឹកហើយ រូបនាងក៏បានដើរចេញមកក្រៅហាង ដើម្បីទិញទឹកស្ទីងផឹក តែពេលដើរមកដល់ស្រាប់តែបក្សពួកជនបង្កជាស្រី៣នាក់ បានចាប់ទាញដៃនាងធ្វើអោយធ្លាក់ទូរស័ព្ទរបស់បក្សពួកស្រីៗដែលជាជនបង្ក ស្រាប់តែជនបង្កជាស្រីទាំង៣នាក់នោះ បានអោយរូបនាងសងថ្លៃការខូចខាតទូរសព្ទ័ចំនួន៥០ដុល្លារ។
~
~
កក្កដា សោភ័ណ្ឌ បានបន្តថា នាងមិនព្រមសង ព្រោះមិនមែនជាកំហុសរបស់នាង ទើបបង្កឱ្យក្លាយជាទំនាស់ពាក្យសម្ដី រហូតប្រើហិ.ង្សា ដោយខាងភាគីស្រីទាំង៣នាក់នោះ បានយកដៃ និងស្បែកជើងវា.យក្បាលរបស់នាង បណ្តាលអោយរងរបួសបែកក្បាលចំហៀងខាងស្តាំ ហូរឈា.មបន្តិច និងត្រូវត្រង់ក្តោងច្រមុះបន្តិច ដោយនាងទ្រាំមិនបានក៏ត.ដៃប្រវា.យប្រតប់វិញ តែត្រូវបានអ្នកនៅទីនោះ នាំគ្នាជួយឃាត់ ដើម្បីបំបែកគ្នារៀងៗខ្លួនតែម្តង ។
~
ក្រោយពេលកើតហេតុ ភាគីខាងស្រីទាំង៣នាក់ បានជិះម៉ូតូកង់បីគេចចេញទៅបាត់ ចំណែករូបនាង (កក្កដា សោភ័ណ្ឌ) រងរបួសតិចតួច ក៏បានទៅលាងរបួស រួចហើយទើបទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលទន្លេបាសាក់ ដើម្បីអោយសមត្ថកិច្ចជួយស្រាវជ្រាវ និងឃាត់ជនបង្កយកមកចាត់ការតាមនីតិវិធី ៕
~
~
~
~
