~
ដោយការមិនទិញសម្លៀកបំពាក់ថ្មី និងចាយវាយត្បិតត្បៀត នារីម្នាក់មកពីប្រទេសចិនសន្សំបានដល់ទៅ៩០%នៃចំណូលរបស់ខ្លួន ហើយអាចទិញផ្ទះបានទាំងវ័យនៅក្មេង។
~
~
កាលពីថ្ងៃទី៣ ខែវិច្ឆិកាកន្លងទៅនេះ បណ្ដាញព័ត៌មាន Sina បានរាយការណ៍ថា តួរលេខសម្រាប់អ្នកដែលអាចទិញផ្ទះខ្លួនឯងនៅប្រទេសចិនពីមួយថ្ងៃទៅមួយថ្ងៃកាន់តែចាស់ទៅៗ ត្បិតតម្លៃផ្ទះក៏ឡើងថ្លៃ ហើយការចាយវាយរបស់មនុស្សសម័យថ្មីក៏មានចំណាយច្រើន រហូតដល់អ្នកខ្លះ ទោះចាស់ហើយក្ដីនៅតែមិនទាន់មានលទ្ធភាពទិញផ្ទះ។
~
~
យ៉ាងណាក្ដី ប្រភពដដែលបានឲ្យដឹងថា នារីម្នាក់ឈ្មោះ Wang Shennai បានទាក់ទាញចំណាប់អារម្មណ៍ទស្សនិកជនជាខ្លាំងក្រោយ សន្សំបានដល់ទៅ៩០%នៃប្រាក់ខែរបស់ខ្លួន ហើយទិញផ្ទះបានដល់ទៅ២ខ្នងនៅអាយុ ២៩ឆ្នាំ។ យ៉ាងណាក្ដី នារីមកពីទីក្រុង Nan Jing មិនបានទម្លាយពីតួរលេខនៃប្រាក់ខែរបស់ខ្លួនឡើយ។
~
តាមនោះដែរ ក្នុងរយៈពេល៩ឆ្នាំចុងក្រោយនេះ សម្លៀកបំពាក់តែមួយគត់ដែលនាងចំណាយលុយទិញគឺខោអាវក្នុង ក្រៅពីនោះ គឺនាងសុំខោអាវពីអ្នកស្គាល់គ្នា ឬមិត្តភ័ក្ដិស្លៀកទាំងអស់ ដោយមួយឆ្នាំនាងចំណាយមិនដល់២០ដុល្លារសម្រាប់ខោអាវក្នុងផង។
បន្ថែមពីនេះ នាងក៏ជៀសវាងរាល់ការជួបជុំ ឬជប់លៀងផងដែរ ដោយនាងគិតថា ពិធីទាំងនេះគឺអស់លុយឥតប្រយោជន៍ មិនសំខាន់។ រាល់ថ្ងៃនាងតែងប្រើយានជំនិះសាធារណៈដើម្បីសន្សំលុយ។
~
~
“មនុស្សភាគច្រើនមានអារម្មណ៍ថាមានក្ដីសុខនៅពេលចាយលុយ តែខ្ញុំគឺផ្ទុយមកវិញ ខ្ញុំមានអារម្មណ៍ថាមិនសប្បាយ និងតឹងតែង ហើយភ័យប៉ុណ្ណោះ” នារីវ័យ២៩ឆ្នាំឲ្យដឹង។ និយាយពីខ្លួនឯង នាងឲ្យដឹងថា ខ្លួនធ្វើការក្នុងវិស័យពាណិជ្ជកម្ម ដូចនេះនាងដឹងថាប្រេនធ្វើយ៉ាងណាដើម្បីឲ្យអតិថិជនចាយលុយ ដូចនេះនាងការចាយវាយសន្សំសំចៃ រហូតដល់អាចមានលទ្ធភាពទិញបានផ្ទះដល់ទៅ២ខ្នងមុនអាយុ ៣០ឆ្នាំ។ ក្រោយបទសម្ភាសន៍របស់ នារីកើតឆ្នាំ ១៩៩២ត្រូវបានចុះផ្សាយ មនុស្សមួយចំនួនមិនគាំទ្រការចាយវាយរបស់នាងឡើយ ដោយបានលើកឡើងថារស់បែបនេះគ្មានក្ដីសុខ តែក៏មានមនុស្សមិនតិចដែរដែលគាំទ្រនាង ព្រោះធ្វើបែបនេះទើបសង្ឃឹមមានផ្ទះរបស់ខ្លួនឯង៕
~
~
