Wednesday, December 7, 2022
Google search engine
Homeសម្រស់&សុខភាព៣ចំណុចសំខាន់ៗគួរដឹង មុនរួមភេទពេលដៃគូមករដូវ

៣ចំណុចសំខាន់ៗគួរដឹង មុនរួមភេទពេលដៃគូមករដូវ

~

ការមករដូវមិនអាចជាឧបសគ្គរារាំងចំណង់ផ្លូវភេទដៃគូបានទេ ព្រោះនោះជាសិទ្ធិសម្រេចិត្ដ សំខាន់ដៃគូយល់ស្របនៅជាមួយគ្នា។ តែទោះជាយ៉ាងណាក៏ដោយ ដៃគូទាំងអស់គួរតែដឹងពីចំណុចសំខាន់ៗខាងក្រោមនេះផងដែរ មុនឈានដល់ការសម្រេចចិត្ដរួមភេទ។

~

១.អារម្មណ៍ប្រែប្រួល
ក្នុងកំលុងមករដូវ ស្រីៗភាគច្រើនតែងតែមានអាការៈចុកចាប់ក្នុងខ្លួន ពិបាកទ្រាំ ឈឺក្បាលអស់កម្លាំង ដែលជា​កត្ដាចម្បងធ្វើឲ្យគាត់គ្មានអារម្មណ៍ឲ្យដៃគូពេញលេញ។ ការមិនផ្ដល់អារម្មណ៍ឲ្យដៃគូ គឺជាមូលហេតុធំបំផុត មិនអាចធ្វើឲ្យដំណើរការមួយនេះអាចទៅដោយរលូនបាននោះទេ ជាពិសេសភាគីខាងស្រីតែម្ដង។ លើសពីនេះទៅទៀត ការ​ប្រែ​ប្រួល​អ័រម៉ូនភេទរបស់ស្រ្តី​ក្នុង​ពេល​វេលានេះ អាចកើតមាន បណ្ដាលឲ្យកើតមានអារម្មណ៍ ឆេវឆាវ មួរម៉ៅឆាប់ខឹងនឹងមនុស្សជុំវិញខ្លួន ដែលធ្វើអ្វីមិនត្រូវតាមចិត្ដ។ ក្នុងចំណុចនេះ យើងជាដៃគូត្រូវដឹង ប្រសិនជាខាង​ស្រី​មានប្រតិកម្មអារម្មណ៍បែបនេះ។

~

~

២.ប្រឈមការមានផ្ទៃពោះ
ដៃគូភាគច្រើនយល់ថា ការរួមភេទក្នុងកំលុងមករដូវ អាចធ្វើឲ្យពួកគេរីករាយ និង ការពារពីការមានផ្ទៃពោះថែមទៀតផង។ ប៉ុន្ដែជាក់ស្ដែង មិនដូច្នោះទាំងអស់ទេ ការរួមភេទក្នុងកំលុងមករដូវ ដោយមិនបានការពារ ក៏អាចប្រឈមនឹងការមានផ្ទៃពោះបានដែរ ប៉ុន្ដែក្នុងកម្រិតទាប។ អ្នកស្រី Lauren Streicher សាស្ដ្រាចារ្យផ្នែកសុខភាពបន្ដ​ពូជ​នៅសាកលវិទ្យាល័យ Northwestern មានប្រសាសន៍ថា ការរួមភេទមិនបានការពារ ពេលមករដូវក៏អាចមានផ្ទៃពោះបានដែរ ព្រោះមេជីវិតឈ្មោលអាចរស់នៅក្នុងខ្លួនមនុស្សស្រីរហូតដល់ទៅ ៤ ទៅ ៥ថ្ងៃ ពិសេសបើពួកគេរួមភេទពេលចុងនៃថ្ងៃមករដូវ។ យល់ល្អដៃគូគួរតែបន្ដការពារ ប្រសិនជាមិនចង់មានផ្ទៃពោះដោយអចេតនា។

~

~

៣.ងាយឆ្លងមេរោគ និងបាក់តេរី
ពេលមករដូវក៏ជាពេលដែលមាត់ស្បូនស្ដ្រីបើកចំហធំជាងពេលធម្មតា ដើម្បីខ្ជាក់ឈាមរដូវមកក្រៅ ហើយក៏ជាឱកាសដល់ពពួកមេរោគ បាក់តេរី អាចជ្រៀតចូលបានដោយស្រួលក្នុងកំលុងរួមភេទ បង្កជាជំងឺផ្សេងៗប៉ះពាល់សុខភាពបន្ដពូជ។ ក្នុងចំណុចនេះអ្នកស្រីសាស្ដា្រចារ្យមិនបានហាមឃាត់ការរួមភេទនោះទេ ប៉ុន្ដែដៃគូគួរតែប្រើប្រាស់ស្រោមអនាម័យ ដើម្បីការពារ ដែលជាវិធីការពារល្អតែមួយគត់សម្រាប់ដៃគូ។ ក្នុងករណីដែលស្ដ្រីមានឆ្លងបាក់តេរី ប្រាកដណាស់ វានឹងវិវត្ដទៅជាជំងឺប៉ះពាល់ដល់ សុខភាពបន្ដពូជ។

~

~

ពាក់ព័ន្ធនឹងការរួមភេទពេលមករដូវនេះដែរ លោកស្រីវេជ្ជបណ្ឌិត ពឹង ជុតិមា នាយិកាសេវាកម្ម គ្លីនិក រ៉ាក់ មានប្រសាសន៍ថា នៅក្នុងផ្នែកវិទ្យាសាស្ត្រ មិនបានឲ្យតមរួមភេទពេលមករដូវនោះទេ គឺ​អាស្រ័យទៅតាមចំណង់ចំណូលចិត្តរបស់ស្ត្រី និងដៃគូ តើអាចទទួលយកបានឬអត់ និងទៅតាមលក្ខខណ្ឌសុខភាព។

~

~

ប្រសិន​បើស្រ្តីខ្លួនឯងមិនច្បាស់លាស់ថា មានការករោគនៅទ្វារមាសអីអត់ ឬដៃគូរបស់យើងមានមេរោគដែរអត់ យើង​មិនគួររួមភេទក្នុងពេលកំពុងមករដូវនោះទេ។ ក្នុងករណីមិនច្បាស់ ការរួមភេទពេលមករដូវកាន់តែងាយស្រួលបង្កលក្ខណៈឲ្យមេរោគឆ្លងទៅដៃគូម្នាក់ៗ ប្រសិនបើដៃគូណាមួយមានមេរោគជំងឺកាមរោគ ដូចជាស្វាយ ប្រមេះ អេដស៍ ថ្លើម ហើយប្រឈមនឹងការមានផ្ទៃពោះទៀត។

~

~

~

~

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine
Google search engine
Google search engine
Google search engine

Most Popular

Recent Comments