~
~
~
ក្រសួងសុខាភិបាលវៀតណាមនៅថ្ងៃអាទិត្យនេះ បានប្រកាសរកឃើញករណីឆ្លងថ្មីៗ នៃជំងឺកូវីដ១៩ ចំនួន១៥,៧៧៩ករណីបន្ថែមទៀត ក្នុងរយៈពេល២៤ម៉ោងចុងក្រោយនេះ។ នេះបើតាមការចេញផ្សាយ ដោយទីភ្នាក់ងារសារពត៌មាន Viet Nam News នៅយប់ថ្ងៃទី០៩ ខែមករា ឆ្នាំ២០២២។
~
~
~
រដ្ឋធានីហាណូយដែលបច្ចុប្បន្នកំពុងប្រែក្លាយជាចំណុចកណ្តាល នៃការផ្ទុះរីករាលដាលជំងឺនេះ បានរ៉ាប់រងសម្រាប់ករណីឆ្លងថ្មីថ្ងៃនេះចំនួន ២,៨១១ករណី ខណៈហូជីមិញបានរាយការណ៍ ចំនួន៤៧២ករណី។ ចំណែកខេត្តដែលមានករណីឆ្លងច្រើនដែរនោះគឺរួមមានដូចជា ខេត្ត Hải Phòng មានចំនួន៨៣៦ករណី, ខេត្ត Khánh Hòa ចំនួន៧៩០ករណី និងខេត្ត Bình Phước ចំនួន៦៧៩ករណី។
~
~
~
ក្នុងរបាយការណ៍ថ្ងៃអាទិត្យនេះ ក្រសួងសុខាភិបាលវៀតណាម ក៏បានប្រកាសពីករណីអ្នកស្លាប់ថ្មី ដោយសារជំងឺកូវីដ១៩ ចំនួន២០២នាក់បន្ថែមទៀតផងដែរ។
~
~
~
សរុបមកវិញ គិតត្រឹមយប់ថ្ងៃទី០៩ ខែមករា ឆ្នាំ២០២២នេះវៀតណាមមានករណីឆ្លងកូវីដ-១៩ សរុបនៅទូទាំងប្រទេសចំនួន ១,៨៩៩,៥៧៥នាក់ ក្នុងនោះអ្នកជំងឺជាសះស្បើយចំនួន ១,៥០០,២៤៨នាក់ ចំណែកអ្នកស្លាប់សរុបចំនួន ៣៤,៣១៩នាក់៕
~
~
