មានរបស់ល្អនឹងស្អាតត្រូវតែបញ្ចេញនេះជាពាក្យដែលធ្លាប់ឮចេញពីមាត់មនុស្សស្រីមួយចំនួនតូច។ ភាពស្អាតវាជាការទាក់ទាញអារម្មណ៍មនុស្សដែលនៅជុំវិញខ្លួនយើងឲ្យមកចាប់អារម្មណ៍នឹងយើង។ ដោយឡែកមានមន្ទិលមួយចំនួនទាក់ទងទៅនឹងសុភាពនារីៗយើងមួយចំនួនដែលពួកគាត់ចូលចិត្តស្លៀកខ្លីហើយបញ្ចេញភាពស្អាតរបស់ពួកគាត់ទៅប៉ះនឹងក្រសែភ្នែកអ្នកដទៃ។

ក្នុងនោះជាពិសេសស្រីស្អាតសាច់សខ្ចីតែម្តងនៅតាមទីសាធារណៈនឹងតាមផ្សារទំនើបៗយើងតែងតែឃើញពួកគាត់ស្លៀកខ្លី ធ្វើឲ្យបងៗដែលជាប្រុសព្រានតាមសម្លឹងមិនដាក់ភ្នែកហើយថែមទាំងជញ្ជក់មាត់ទៀតផង។

មានធ្លាប់ដែលឆ្ងល់ដែរទេថា ហេតុអ្វីបានជាពួកគាត់ចូលចិត្តស្លៀកខ្លី? ចម្លើយនោះគឺដោយសារតែពួកគាត់មានទំនុកចិត្តនឹងភាពជឿជាក់លើភាពស្អាតរបស់ខ្លួន។ ដូចដែលយើងធ្លាប់និយាយលេងអញ្ចឹងមានរបស់ល្អបើមិនបញ្ចេញខ្លះម៉េចបាន អ្នកខ្លះខំទិញឡេលាបអស់លុយយ៉ាងច្រើន បើស្អាតសហើយលាក់ទុកដើម្បីអ្វីបញ្ចេញខ្លះទៅវាមិនខាត់បង់អីណា។ ជឿទៅមនុស្សស្រីដែលមានសាច់មិនសូវស មានរាងមិនស្អាត មិនស្រឡូននាងនឹងមិនសូវជាចូលចិត្តស្លៀកខ្លីប៉ុន្មានទេ ព្រោះខ្លាចគេថា។

ម៉្យាងវិញទៀតការស្លៀកខ្លីជាចំណង់ចំណូលចិត្តរបស់ស្រីស្អាតស្រាប់ទៅហើយ នេះមិនមែនមានន័យថាអ្នកដែលស្លៀកខ្លីសុទ្ឋតែគេចង់បង្ហាញសាច់គេឲ្យអ្នកដទៃមើលនោះទេ គេស្លៀកខ្លីដោយសារតែគេចូលចិត្ត នឹងស្រលាញ់អ្វីដែលខ្លួនគេមាន។ តែក្នុងនោះក៏មានមួយចំនួនតូចស្លៀកខ្លីដើម្បីទាញការចាប់អារម្មណ៍ពីប្រុសៗផងដែរ។

មនុស្សស្រីមួយចំនួនស្លៀកខ្លីដើម្បីចង់ឮពាក្យសរសើរ ត្រង់ចំណុចនេះចង់សំដៅទៅលើតែចំនួនមួយក្តាប់តូចតែប៉ុណ្ណោះ ភាគច្រើនមើលឃើញអញ្ចឹងមែន អ្នកខ្លះស្លៀកខ្លីដើម្បីឲ្យគេមើល ហើយចង់បានពាក្យគេនិយាយសរសើរពីក្រោយខ្នងថាខ្លួនមានសាច់សខ្ចី មានរាងស្អាតតែប៉ុណ្ណោះ។ សរុបមកវិញការស្លៀកពាក់យ៉ាងម៉េចវាជាសិទ្ឋបុគ្គលរៀងៗខ្លួន តែសូមពិចារណាផង ថាពេលណាស្លៀកបែបណាទើបសមរម្យ ត្រូវស្លៀកពាក់ទៅតាមស្ថានការណ៍នឹងកាលៈទេសៈ។

រូបតំណាង

LEAVE A REPLY

Please enter your comment!
Please enter your name here