បែកធ្លាយ! កូនស្រី នាង អ៊ីត ឡើង​ប្រឡង​ក្នុង កម្មវិធី «X Factor Cambodia» ទទួល​បាន Yes ទាំង៤

185

(ភ្នំពេញ)៖ កូនស្រីសំណព្វចិត្តរបស់តារាកំប្លែង នាង អ៊ីត គឺ បេក្ខជនវ័យក្មេង ង៉ា ស្រីណា មិនត្រឹមតែទទួលបាន ការពេញចិត្តពេញថ្លើម ពីគណៈកម្មការក្នុងកម្មវិធី «X Factor Cambodia» ទាំងបួនរូបនោះទេ សូម្បីតែវីដេអូ ប្រលងចម្រៀងរបស់នាងក្នុងបណ្តាញ Youtube ក៏មានការគាំទ្រច្រើនពីមហាជនផងដែរ។ ការលើកឡើង បែបនេះ គឺបន្ទាប់ពី Chanel Youtube របស់ កម្មវិធី «X factor Cambodia» បង្ហោះវីដេអូចម្រៀងរបស់ បេក្ខជន ង៉ា ស្រីណាន ក្នុងនោះបង្ហោះបានត្រឹមតែប៉ុន្មានថ្ងៃប៉ុណ្ណោះ គឺមានអ្នកទស្សនា ដល់ជាង 1M ស្មើនឹងជាង មួយលាននាក់ឯណោះ។

ទាំងនេះ បានបញ្ជាក់ថា បេក្ខនារីរូបនេះ ទទួលបានប្រជាប្រិយភាពយ៉ាងខ្លាំង និងមានការគាំទ្រច្រើនលើសពី ការស្មាន ចំពោះសមត្ថភាព និងទេពកោសល្យពីធម្មជាតិ ផ្នែកចម្រៀងរបស់នាង។ ទោះមិនកាត់ទៅខាងម្តាយ ផ្នែកកំប្លែកក៏ពិតមែន តែផ្នែកបង្ហើរចម្រៀងមួយនេះ ត្រូវបានគេសរសើរថា មិនត្រឹមតែមានទឹកដមពិរោះរណ្តំ នោះទេ ងាកមករូបសម្រស់វិញ គឺពិតជាស្អាត លេងស្ទីលយុវវ័យបានល្អ ស័ក្តិសមជាតារាចម្រៀងទាំងវ័យ ក្មេងតែម្តង។

បើតាមការឲ្យដឹង ពីប្រភពច្បាស់ការ បេក្ខនារី ង៉ា ស្រីណាន គឺជាកូនស្រីតែម្នាក់គត់របស់អ្នកនាង អ៊ឺត ហើយក៏កំពុងក្លាយជាបេក្ខនារី ដែលកន្ត្រាក់នូវការចាប់អារម្មណ៍របស់អ្នកគាំទ្រ ក្នុងកម្មវិធីប្រលងចម្រៀងលំដាប់ ថ្នាក់ពិភពលោកមួយនេះមិនតិចនោះដែរ។ ដោយសារតែនាង គឺជាឈាមជ័ររបស់តារាកំប្លែងល្បី តែក៏មានសមត្ថភាពខ្លាំង ក្នុងការទទួលបានពិន្ទុពីគណៈកម្មការ ទាំង៤រូប មិនផ្ដល់ Yes ឲ្យនាងមិនបាន ដោយមិនមែនសម្អាងថា នាងគឺជាកូនស្រីតារាកំប្លែង គឺសមត្ថភាពផ្ទាល់ពិតៗតែម្តង។

គួរជម្រាបថា មួយបទចម្រៀង ដែលកូនស្រីនាង អ៊ីត លើកយកមកច្រៀង គឺមានចំណងជើងថា «Saxophone បាត់ស្នេហ៍» បានធ្វើឲ្យម្នាក់ៗនៅតែសរសើរចំពោះស្ទីលច្រៀងរបស់នាង បើទោះជាស្ទីលច្រៀងរបស់នាង ត្រូវបានគណកម្មការកែតម្រូវថា បង្អូសមិនទាន់ចង្វាក់។ យ៉ាងណាមិញនាង គឺជាបេក្ខនារីវ័យក្មេង ដែលមានសំឡេងខ្លះ ខណៈដែលសំលេងរបស់នាង មិនទាន់ពេញរូបពេញរាងមែនទែនផង តែសឡេងគ្រលួច ខ្លាំង។ អ្នកនាង អ៊ីត បង្ហាញឲ្យឃើញពីមោទនភាពយ៉ាងខ្លាំង ដោយអ្នកនាងបានបង្ហោះជារឿយៗសរសើរកូនស្រី បន្ទាប់ពីកូនស្រីក្លាយជាបេក្ខនារីល្បីមួយរូប ទាំងការប្រកួត «X factor Cambodia» មិនទាន់ចប់៕