ទាហានឈុតខ្មៅរបស់ថៃ ចាប់បញ្ជូនពលរដ្ឋខ្មែរមកវិញ ក្រោយលួចឆ្លងដែនចូលទៅប្រទេសគេខុសច្បាប់

45

(បន្ទាយមានជ័យ)៖ កាលពីថ្ងៃទី២១ ខែឧសភា ឆ្នាំ២០២០នេះ ពលរដ្ឋខ្មែរ១១០នាក់ ត្រូវបានទាហាន ឈុតខ្មៅរបស់ថៃ ចាប់បញ្ជូនពលរដ្ឋខ្មែរមកវិញ  ក្រោយលួចឆ្លងដែនចូលទៅប្រទេសគេដោយខុសច្បាប់ ខណៈកំពុងរឹត បន្ដឹងប្រទេសកម្ពុជា-ថៃ កំពុងរឹតបន្ដឹងច្រកព្រំដែន។

របាយការណ៍របស់អាជ្ញាធរបានឲ្យដឹងថា ពលរដ្ឋខ្មែរជាង១០០នាក់នេះ ត្រូវបានទាហានថៃ ប្រគល់មក ឲ្យកម្លាំងនគបាលប៉ុស្តិ៍ ការពារព្រំដែនគោកគីឡូ១៣ នៃវរសេនាតូចការពារព្រំដែន៨១៧ ស្ថិតក្នុងភូមិគីឡូ១៣ ស្រុកសំពៅលូន ខេត្តបាត់ដំបង ជាប់ព្រំប្រទល់ជាមួយខេត្តបន្ទាយមសនជ័យ។

លោកអនុសេនីយ៍ឯក កែវ ឌឿន មេប៉ុស្តិ៍នគបាលការពារព្រំដែនគីឡូ១៣ នៃវរសេនាតូចការពារព្រំដែន៨១៧ បានបញ្ជាក់ថា ពលរដ្ឋខ្មែរដែលត្រូវចាប់បញ្ជូនមកវិញនេះ មានស្ដ្រី៤៥នាក់ ក្មេង៤នាក់។ក្រោយបញ្ជូនត្រឡប់មកវិញ ពលករខ្មែរខាងលើត្រូវបានយកទៅដាក់ឲ្យនៅដាច់ដោយឡែក នៅវិទ្យាល័យសំពៅលូន ដើម្បីពិនិត្យសុខភាព ដោយមានការអប់រំណែនាំថ្នាក់ដឹកនាំខេត្តផងដែរ៕