សុំសរសើរ! លោក ខាន់ សុខា អភិបាលរងនៃគណៈអភិបាលខេត្តតាកែវ ប្រកាសបរិច្ចាគប្រាក់បៀវត្ស ៥ ខែជូនដល់គណៈកម្មការជាតិប្រយុទ្ធប្រឆាំងនឹង Covid-19

78

(ខេត្តតាកែវ)៖ ខណៈដែលជម្ងឺឆ្លង Covid-19  បាននឹងកំពុងតែចោទជាបញ្ហាចម្បងដល់ប្រទេសជាច្រើនលើពិភពលោក ​សូម្បីតែប្រទេសកម្ពុជាយើងក៏បានរកឃើញករណីអ្នកផ្ទុកវីរុសនេះជាបន្តបន្ទាប់ផងដែរ ។ តែគួរឱ្យសរសើរប្រមុខរដ្ឋាភិបាល ​ទាំងក្រសួង ​និងមន្ត្រីគ្រប់ជាន់ថ្នាក់បានរួមគ្នាបរិច្ចាកទឹកប្រាក់ជាច្រើនដើម្បីរួមចំណែកក្នុងការប្រយុទ្ធប្រឆាំងនឹង Covid-19  ។

ដោយឡែកក្នុងនោះយើងឃើញមានបងប្អូនប្រជាពលរដ្ឋខ្មែរយើងអ្នកដែលមានចិត្តសប្បុរសធម៌បានចេញមុខជួយ ចែកជាជែល ម៉ាស នឹងទឹកអាល់កុលដោយមិនគិតថ្លៃទៀតផង ។ ជាក់ស្តែងដើម្បីរួមចំណែកជាមួយរាជរដ្ឋាភិបាលកម្ពុជាក្នុងប្រយុទ្ធប្រឆាំងនឹង ​Covid-19 ថ្មីៗនេះ លោក ខាន់ សុខា អភិបាលរង នៃគណៈអភិបាល ខេត្តតាកែវ ថ្មីៗនេះ បានប្រកាសបរិច្ចាគប្រាក់បៀវត្ស ៥០០.០០០៛ រយៈពេល៥ ខែ ជូនដល់គណៈកម្មការជាតិប្រយុទ្ធប្រឆាំងនឹងជំងឺកូវីដ១៩ ដោយគិតចាប់ ពីខែឧសភា ដល់ខែ កញ្ញា ឆ្នាំ ២០២០ ក្នុងន័យដើម្បីសង្គ្រោះការពារ​សុខមោលភាព និងអាយុជីវិតប្រជាជនពីជំងឺរាតត្បាត​នេះ។