ស៊ែរបើមានចិត្តអាណិត! ធ្លាប់ឃើញទិដ្ឋភាពបែបនេះនៅតាមផ្លូវទេ? ​ហើយបើអ្នកយកបេះដូងអ្នកគិតបន្តិចនោះអ្នកនឹងយល់ពីទុក្ខលំបាកជីវិតមានឈ្មោះថាកំព្រានេះវាពិបាកខ្លាំងប៉ុណ្ណា!

កើតមកជាមនុស្សជួបរឿងលំបាកវារឿងធម្មតារបស់មនុស្សគ្រប់រូបប្រទះជៀសមិនផុតនោះទេ មានមនុស្សប៉ុន្មានលាននាក់លើលោកនេះដែលមានម៉ែប៉ាហៅ ហើយមានមនុស្សប៉ុន្មានលាននាក់ដែលកំព្រាគ្មានម៉ែប៉ាហៅនឹងគេ? អ្នកខ្លះម៉ែស្លាប់ចោល អ្នកខ្លះត្រូវប៉ាស្លាប់ចោល ហើយអ្នកខ្លះទៀតកើតមកមិនទាន់ទាំងឃើញពន្លឺថ្ងៃស្រួលបួលផងក៏ត្រូវកំព្រាបាត់ទៅហើយ ។

តើអ្នកធ្លាប់គិតដែលទេថាជីវិតរស់នៅកំព្រាគ្មានភាពកក់ក្តៅពីឪពុកម្តាយវាលំបាកប៉ុណ្ណា? អត្តបទនេះ Admin សូមផ្ញើរទៅកូនកំព្រាទាំងអស់គ្នាក្នុងពិភពលោក ជាពិសេសក្មេងៗកំព្រា ក្នុងប្រទេសកម្ពុជាយើង នឹងកូនៗដែលមានឈ្មោះជាកូនកំព្រាទាំងឡាយ អ្នកខ្លះកំព្រាម៉ែ នឹងអ្នកខ្លះទៀតកំព្រាឪពុក ត្រូវរឹងមាំឡើង ត្រូវតស៊ូឡើងកុំចុះចាញ់នឹងជីវិតមួយនេះអី ។

ខ្ញុំដឹងថាពេលខ្លះវាពិតជាហត់នឹងដើរទៅមុខមែនពេលយើងជួបបញ្ហាលំបាកម្តងៗអ្នកដែលយើងត្រូវការជាងគេគឺឪពុកម្តាយរបស់យើងចង់ឲ្យគាត់នៅក្បែរយើង ពេលខ្លះឃើញគេជួបជុំគ្រួសារមានម៉ែ មានប៉ាហៅឯយើងមិនមែនហៅដូចគេពេលខ្លះទឹកភ្នែកក៏ស្រក់ហូរចុះមកដោយមិនដឹងខ្លួនក៏មានព្រោះមានអារម្មណ៍ថាតូចចិត្តនឹងជីវិតខ្លួនឯង ។

តែយ៉ាងណាយើងត្រូវចាំថា​លើលោកនេះមានជួបមានបែក គ្មានអ្វីដែលស្ថិតស្ថេរនោះទេ គ្មានអ្វីអាចឃាត់បានទេ ដូច្នេះសូមរៀនក្រោកឈរឡើងដោយជើងទាំងទ្វេររបស់យើងបន្តដំណើរទៅមុខទៀតដោយស្នាមញញឹម ។ ព្រោះហេតុផលថាគ្មានអ្នកណាជួយយើងបានក្រៅពីខ្លួនយើងតស៊ូខំប្រឹងជម្នះនៅរឿងទាំងអស់នេះទេ មានតែជីវិតអ្នកកំព្រាទេទើបយល់អារម្មណ៍ថារស់នៅកំព្រាវាជួបការលំបាកអ្វីខ្លះក្នុងជីវិត ។ វាពិតជាឯកាពេកហើយពេលខ្លះ​តែត្រូវតស៊ូៗណាអ្នកកំព្រាទាំងឡាយ ។

LEAVE A REPLY

Please enter your comment!
Please enter your name here